देऊळगावराजा (जि.बुलडाणा) : देशात कोरोना विषाणूंचा प्रादुर्भाव रोखण्यासाठी लॉकडाउनचा वापर राज्य शासनाच्यावतीने करत संचारबंदी लागू केली. मात्र, याच कालावधीमध्ये देशी व विदेशी दारुचे दुकानाने पूर्णपणे बंद ठेवल्याने चोरून दारू विकणाऱ्यांनी एक देशी दारुची एक कॉर्टर 180 एमएलची ही 55 रुपयाला सरकारमान्य देशी दारुच्या दुकानात मिळत होती. आता बंदीच्या काळात हिच दारुची बाटली 200 रुपयात मिळत आहे. या चोरट्या विक्रेत्यांना दारू संचारबंदी काळात कशी सहज उपलब्ध होते, हा आता संशोधनाचा विषय झाला आहे. 

महत्त्वाची बातमी - बुलडाणेकरांना गुड न्यूज; तीन पॉझिटिव्ह रुग्ण कोरोनामुक्त

जिल्ह्याचा दारूबंदी विभाग करतो तरी काय असा सवाल सर्वसामान्याला पडला आहे. लोकांना जीवनावश्‍यक वस्तू आणण्यासाठी मोठी दमकछाक होते तर काहींनी पोलिसाच्या सौम्य लाठीमाराला सामोरे जावे लागले आहे. देशी दारू पिणारा वर्ग हा मोल मजुरी करणारा असून, संचारबंदी काळ असल्याने या मजुरांना काम नाही तर पैसा कोठून राहणार अशा परिस्थितीत देशी दारूची विक्री कशी होते. याकडे जिल्हाधिकाऱ्यांनी लक्ष देण्याची गरज आहे. देशी दारू सर्रासपणे विक्री होत असल्याने जिल्ह्यातील दारूबंदी विभाग संपूर्णपणे क्वारंटाईनमध्ये असल्यासारखा झाल्याचे दिसत आहे.

आवश्‍यक वाचा - बाळा मी लवकरच येईल...

हा प्रकार थांबविला पाहिजे
दारुबंदीच्या संबंधित अधिकाऱ्यांनी या बाबीकडे लक्ष देवून हा प्रकार थांबविला पाहिजे. संचार बंदीच्या काळात हा प्रकार होत असल्याने ही बाब गंभीर आहे. पोलिसांवर इतरही कामाचा ताण असल्यामुळे सदर विभागाने कारवाईसाठी पुढाकार घेण्याची गरज आहे.
- नीलेश बंगाळे, बुलडाणा जिल्हा समन्वयक दारू मुक्त अभियान