आर्णी (जि. यवतमाळ) : येथील पोलिस ठाण्याच्या हद्दीतील अवैध दारूविक्रेते, वारंवार दुखापतीचे अपराध करणारे व सार्वजनिक सणोत्सवांत उपद्रव करून शांततेचा भंग करण्याची शक्यता असलेल्या 15 जणांना गणेश मूर्ती विसर्जनादरम्यान 18, 19 व 20 सप्टेंबर अशा तीन दिवसांसाठी तडीपार करण्यात आले आहे.

कलम 144 सीआरपीसी अन्वये दारव्हा येथील उपविभागीय पोलिस अधिकारी यांनी गणेश मूर्ती विसर्जनादरम्यान कायदा व सुव्यवस्था भंग होऊ नये, विसर्जनादरम्यान शांतता राहावी, यासाठी या 15 जणांना आर्णी पोलिस ठाण्याच्या हद्दीतून तडीपार केले आहे.

कारवाई करण्यात आलेल्यांची नावे अशी : रवी गुलाब राठोड (वय 38, रा. येरमल), दिनेश अमरसिंग आडे (वय 34, रा. नाईकनगर, आर्णी), बाळू सोमसिंग आडे (वय 36, रा. नाईकनगर, आर्णी), दगडू सवई राठोड (वय 44, रा. उमरी), संतोष देवराव धोत्रे (रा. आसरा), बादल उत्तम जाधव (वय 34, रा. तेंडोली), सुनील मांगीलाल जाधव (वय 35, रा. तेंडोली), खुशाल सवई राठोड (वय 44, रा. बोरगाव), गजानन पुंडलिक लोंढे (वय 24, रा. आर्णी), सचिन किशोर आत्राम (वय 22, रा. आर्णी), करण संजय सोयाम (वय 25, रा. महाकाली चौक, आर्णी), मनोज ऊर्फ देवानंद शंकर सोनटक्के (रा. लोणी), रवींद्र दिगंबर चाबुस्कवर (वय 38, रा. तरोडा), किसन बाबूलाल राठोड (वय 39, रा. म्हसोला), मधुकर धनसिंग आडे (वय 42, रा. ब्राह्मणवाडा).