अमरावती : येथे कृषी विकास परिषद कार्यक्रमात एका सेवानिवृत्त नायब तहसीलदारांने नर्तिकेसोबत नृत्य केल्याचा व्हिडिओ सध्या व्हायरल झाला आहे. या नृत्यातील हावभाव अश्लील असल्याच्या कारणावरुन या कृषी विकास परिषदेची चांगली चर्चा सुरु आहे. 

अमरावती जिल्ह्यातील वरूड येथे भाजपाचे आमदार डॉ. अनिल बोंडे यांनी चार दिवसीय 8 ते 11 फेब्रुवारी दरम्यान राष्ट्रीय कृषी विकास परिषद आयोजित केली होती. या दरम्यान 9 फेब्रुवारीला लोककला दंडार कार्यक्रम आयोजित केला होता. यामध्ये पुरुष महिलांची वेशभूषा करुन नृत्य करत असतात आणि यामध्ये द्विअर्थीय संवादाच्या माध्यमातून सामाजिक विषयावार भाष्य केले जाते. या कार्यक्रमात असे नृत्याचे कार्यक्रम झाल्याने एका शासकीय कार्यक्रमात दंडारसारखे कार्यक्रम का घ्यावा अशी चर्चा सुरु आहे.