अकोला : अगदी दीड महिन्यापासून बंद असलेली मद्य विक्री आता बुधवारपासून सुरू होणार आहे मात्र, हे मद्यविक्री केवळ ग्रामीण भागातच होणार असून, शहरात मद्य विक्रीला टाळे बंदच असणार आहे. असे असले तरी मात्र, येत्या दोन दिवसात याबाबतही निर्णय घेतला जाणार असल्याचे सांगितले जात आहे.

दोन दिवसापूर्वी शासनाने मद्य विक्रीला कंटेनमेंट झोन वगळता परवानगी दिली होती मात्र, अकोला जिल्हाधिकारी जितेंद्र पापळकर यांनी संपूर्ण जिल्ह्यात दोन दिवस बंद राहणार असल्याचे घोषित केले होते. आता या दोन दिवसानंतर बुधवारपासून महानगरपालिका क्षेत्र वगळता संपूर्ण जिल्ह्यात मद्य विक्री सुरू होणार असल्याची माहिती राज्य उत्पादन शुल्क विभागाचे अधीक्षक स्नेहा सराफ यांनी दिली आहे.

आवश्यक वाचा - स्वाभिमानीला दिलेला शब्द राष्ट्रवादी पाळणार का?

ग्रामीण भागात उघडणाऱ्या दारू दुकानांची संख्या
देशी दारूची दुकाने - 53
वाईन शॉप - 5
बिअर शॉपी - 26

हेही वाचा - आनंदाची बातमी : आता टाळेबंदीतही म्हणा 'शुभमंगल सावधान'

प्रत्येकाचे होणार थर्मल स्कॅनिंग
दारू विक्रीच्या दुकानाला परवानगी जरी दिली असली तरी या दारू दुकानावर येणाऱ्या ग्राहकांची थर्मल स्कॅनिंग होणार आहे. ज्यांना सर्दी, ताप, खोकला आहे अशांना दारूविक्री केली जाणार असल्याचेही सांगण्यात आले आहे. तर वाईन शॉप वर दारू विक्री करताना विक्रेत्याला आणि ग्राहकाला सोशल डिस्टन्सचे पालन करून मास्क लावून खरेदी-विक्री करावी लागणार आहे.

गर्दी कराल तर होतील दुकाने बंद
राज्य उत्पादन शुल्क विभागाच्या अधीक्षक स्नेहा सराफ यांनी दिलेल्या माहितीनुसार जर ग्राहकांनी दुकानावर दारू खरेदी करताना सोशल डिस्टन्स पालन केले नाही गर्दी केली याचा तान जर प्रशासनावर पडला तर प्रशासन ही दारू विक्रीची दुकाने बंद ही करू शकतो तेव्हा सोशल डिस्टन्स चे पालन करून दारू खरेदी करावी असेही आवाहन करण्यात आले आहे.

सोशल डिस्टन्स पाडावे लागणार
दारू खरेदी करताना सोशल डिस्टन्स पाडावे लागणार आहे. ज्यांनी मास्क घातलेला आहे अशांनाच दारू विक्री केली जाणार आहे. परंतु, असेही असताना रस्त्यावर कोणी थुंकताना आढळल्यास त्यांच्यावर कायदेशीर कारवाई केली जाणार आहे.
-स्नेहा सराफ, अधीक्षिका, राज्य उत्पादन शुल्क विभाग अकोला