समृद्धी महामार्गावर पहाटे ५ वाजण्याच्या सुमारास झालेल्या भीषण अपघातात तीन जणांचा मृत्यू झाला आहे. चालकाला झोप लागल्याने बाजूच्या कंटेनरला धडक लागल्याने हा भीषण अपघात झाला आहे. अमरावती जिल्ह्यातील तळेगाव दशासर पोलीस स्टेशन हद्दीत ही घटना घडली आहे. अहमदनगरहून रायपूरकडे जाणाऱ्या खासगी टेम्पो ट्रॅव्हलची बाजूच्या कंटेनरला धडक लागल्याने हा भीषण अपघात झाला आहे.(Samruddhi Highway Accident)

मिळालेल्या माहितीनुसार, चालकाला पहाटे झोप लागल्याने हा अपघात झाल्याची प्राथमिक माहिती समोर आली आहे. पहाटे पाच वाजण्याच्या सुमारास हा अपघात घडला आहे. अमरावती जिल्ह्यातील वाढोना शिवणी दरम्यान चॅनल 128 वर हा अपघात आहे. यामध्ये तिघांचा मृत्यू झाला आहे. तर काही जण जखमी आहेत.

अपघातातील जखमींना जवळच्या रुग्णालयात उपचारासाठी दाखल करण्यात आले. अपघातानंतर चालक घटनास्थळावरून पसार झाला. या अपघाताचा पुढील तपास तळेगाव दशासर पोलीस करत आहेत. समृध्दी महामार्गांवर अपघातांचे सत्र सुरूच आहे.