अंबाजोगाई : तालुक्यातील अकोला येथे विहिरीवर पोहायला गेलेल्या चुलत भावंडांचा बुडून मृत्यू झाल्याची घटना रविवारी (ता. २९) दुपारी घडली. परमेश्वर हनुमंत आगळे (वय १८) व ज्ञानेश्वर महादेव आगळे (१८) (दोघेही रा. अकोला, ता. अंबाजोगाई) अशी बुडून मृत्यू झालेल्या युवकांची नावे आहेत.
परमेश्वर व हनुमंत या या दोघांनीही यंदा इयत्ता १२ वीची परीक्षा दिली होती. तर, परमेश्वर नीट परीक्षेची तयारी करत होता. 6 मे रोजी त्याची परीक्षा होती. दरम्यान, रविवारी दोघेही चुलत भावंडे नातेवाईकांसह शेतात होते. दुपारच्या वेळी उन्ह तापल्याने दोघेही पोहण्यासाठी विहिरीत उतरले होते. मात्र, पोहायला नीट येत नसल्याने दोघेही बुडाले. त्यांच्या ओरडण्याचा आवाज येताच बाजूला असलेल्या परमेश्वर याचे वडील हनुमंत आगळे यांनी विहिरीत उडी घेऊन त्यांना वाचविण्याचा प्रयत्न केला.
दोघांना बाहेर काढून अंबाजोगाई येथील स्वामी रामानंद तीर्थ वैद्यकीय महाविद्यालयात दाखल केले. मात्र, डॉक्टरांनी त्यांना मृत घोषित केले. दरम्यान, मागच्या दहा दिवसांपूर्वी पोहता येत नसताना विहिर गोवर्धन (ता. परळी) येथे कॅनॉलमध्ये बुडून दोन शिक्षकांचा मृत्यू झाला होता.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.