(चंद्रपूर) गडचांदूर : दीपावलीत भाऊ बिजेचा सण भावा बहिणीच्या अतूट बंधनातिल नात्याचा सण म्हणून ओळखला जातो. त्यामुळे रक्ताच्या नात्यासोबतच बहीण भावाच्या भावनिक नात्यालाही या सणामुळे वेगळीच ओळख मिळाली आहे. या वर्षी ऐन दिवाळीत महामंडळाच्या संपाने बहीण - भावाच्या नात्यात विरंजन पडण्याची परिस्थिती निर्माण झाली आहे.

गेल्या दोन वर्षांपासून कोरोना संक्रमणाच्या भितीने राज्य व केंद्र शासनाने अनेक प्रतिबंध लादले गेल्यामुळे मागील वर्षी सुद्धा बहीण भावाला भाऊबीज पाहिजे त्या प्रमाणात साजरी करता आली नाही. अनेक बहिणींनी या वर्षी भाऊ बीज मोठ्या उत्साहाने साजरा करण्याची आणि बीजेच्या दिवशी बंधुरायाला ओवाळण्याची तयारीत असतांना ऐन दिवाळीत बस च्या संपामुळे बहिणींचा खडतर प्रवास होणार आहे.

ग्रामीण परिसरात अनेक भागात दुसरा पर्याय नाही

जिल्ह्यातील अनेक ग्रामीण भागात बस शिवाय दुसरा पर्याय नसल्याने भाऊ आपल्या बहिनेच्या प्रतीक्षेत असणार असून सासरी असणाऱ्या मुलीला दीपावलीत भाऊ बीजेच्या सणाला माहेरी काही दिवस घालवावे अशी इच्छा असते परंतु या वर्षी सुद्धा ही अशा नैराश्यात बदलण्याची परिस्थिती आहे.

"प्रत्येक वर्षी मी बस ने प्रवास करून बीजेच्या दिवशी बंधूरायाला ओवळण्यास जाते परंतु गेल्या दोन वर्षांपासून कोरोंना मुळें आळकाठी आली. या वर्षी बीजेच्या दिवशी ओवाळण्यास भेटेल असं वाटलं परंतु महामंडळाच्या संपाने त्यांवर पाणी फेरले."

- आशा मांडवकर, गडचांदुर