नागपूर : नागपूर शहर पोलिस दलातील वाहतूक शाखेत कार्यरत असलेल्या पोलिस हवालदाराने घरात गळफास घेऊन आत्महत्या केली. ही घटना आज हुडकेश्‍वर परिसरात उघडकीस आली. विजय खोडे (वय 45, शक्‍तीमातानगर, खरबी रोड) असे आत्महत्या करणाऱ्या हवालदाराचे नाव आहे.
पोलिसांनी दिलेल्या माहितीनुसार, पोलिस हवालदार विजय खोडे हे वाहतूक शाखेच्या सदर झोनला चालक म्हणून कार्यरत होते. ते गेल्या तीन वर्षांपासून कर्करोगग्रस्त होते. काही दिवसांपासून दैनंदिन कामे करताना बराच त्रास होत होता. त्यामुळे ते मानसिक तणावात होते. त्यामुळे त्यांनी आज बुधवारी पहाटे पाच वाजता घरात सिलींग फॅनला गळफास घेऊन आत्महत्या केली. या प्रकरणी हुडकेश्‍वर पोलिसांनी आकस्मिक मृत्यूची नोंद केली आहे.