शेगाव (जि.बुलडाणा) : ट्रॅक्टरने रेती वाहतूक करणाऱ्या वाहनचालकांची तलाठ्याने चौकशी करताच ट्रॅक्टर चालकांनी हायड्रोलीकच्या ट्रॉलीमधील रेती रस्त्यावर खाली करून पळ काढल्याची घटना 17 जानेवारी रोजी रात्री 10.15 वाजता सुमारास भोनगाव शिवारात घडली.

हेही वाचा - बोगस घरकुल प्रकरणात तत्कालीन बीडीओ व लेखापालही सहभागी

चोरीची रेती टाकली रस्त्यावर
तलाठी मो.जावेद शे.दौलत (वय 54) यांनी ग्रामीण पोलिस स्टेशनला दिलेल्या तक्रारीनुसार रात्रीच्यावेळी ते भोनगाव शिवारात ड्युटीवर असताना रात्री 10.15 वाजता सुमारास त्यांना रेतीची वाहतूक करणारे दोन ट्रॅक्टर दिसले. वाहने थांबवून त्या ट्रॅक्टरच्या चालकांना तलाठी मो.जावेद यांनी विचारपूस केली असता टॅक्टर चालकांनी हायड्रोलिक ट्रॉलीमध्ये असलेली दीड ब्रास चोरीची रेती रस्त्यावर खाली करून पळ काढला.

क्लिक करा - व्याजाचे मीटर बंद ठेवा

...तर एक ट्रॅक्टर चालक वाशीमचा
तलाठी मो.जावेद यांनी ट्रॅक्टरचे क्रमांक टिपले असून, एम. एच. टी 6792 या ट्रॅक्टरच्या चालकाने रामदास पुंजाजी इडोळे रा.दोडकी ता.जि.वाशीम अशी ओळख दिली आहे. तर वाहन क्रमांक एम. एच. 28 बीबी 7200 वाहनावरील चालकाने नाव न सांगता पळ काढल्याचे तलाठी मो.जावेद यांनी दिलेल्या फिर्यादीत नमूद केले आहे. पोलिसांनी याप्रकरणी मोवाकानुसार या ट्रॅक्टरच्या चालकांविरूध्द गुन्हा दाखल केला असून, घटनेचा तपास पीएसआय अरविंद तुंबळे यांच्याकडे देण्यात आला आहे.