यवतमाळ :  विकृती कुठल्या थराला जाईल, ते सांगताच येत नाही. काळ, वेळ, वय काहीही न पाहता एका विकृताने छोट्या मुलीवर घाला घातल्याची घटना नुकतीच घडली.

यवतमाळ येथील दारव्हा रोड वरील एका हॉटेलमध्ये लग्न समारंभ होता . या लग्नात सहभागी होण्यासाठी आपल्या आईवडिलांसोबत एक 10 वर्षांची चिमुरडी आली होती. याच हॉटेलमधील एका सफाई कामगाराने या चिमुकलीला पकडून विनयभंग केला हा सर्व प्रकार CC Tv त कैद झाला आहे .

या नराधमाला पोलिसांनी ताब्यात घेतले आहे . काही दिवसांपासून या हॉटेलमध्ये तो साफसफाईचे काम करतो. खाऊचे आमिष दाखवून या नराधमाने तिला एकांतात नेले . तिथे त्याने तिचा विनयभंग केला . तिने हा प्रकार तिच्या आईवडिलांना सांगितला .

सविस्तर वाचा - नामी शक्‍कल! रुग्णांना शहाळ्याच्या पाण्यातून दारू

तात्काळ त्या विकृताला ताब्यात घेण्यात आले. या ठिकाणी पोलिसांना पाचारण करण्यात आले होते. पोलिसांनी CC Tv फुटेज आपल्या ताब्यात घेतले आहे . या प्रकरणी पोलिस अधिक तपास करीत आहेत