Gondia Train Accident : गोंदिया शहरालगत भगत की कोठी या ट्रेनला अपघात झाल्याचे समोर आले आहे, या गाडीचा एक डब्बा रूळावरून घसरून हा अपघात झाल्याचे सांगितले जात असून, यामध्ये 50 हून अधिक रेल्वे प्रवासी किरकोळ जखमी झाले आहेत. ही रेल्वे रायपूरहून नागपूरकडे निघाली होती.

मिळालेल्या माहितीनुसार, भगत की कोठी ही गाडी रायपूरकडून नागपूरकडे निघाली होती. त्यावेळी या गाडीची धडक समोरून जात असलेल्या मालगाडीला धडक बसली. यामुळे भगत की कोठीचा एक डब्बा रूळावरून घसरला. यामध्ये रेल्वेतील 50 हून अधिक प्रवासी किरकोळ जखमी झाले असून, 13 प्रवाशांना मार लागला असून, जखमी प्रवाशांना जवळील जिल्हा सामान्य रूग्णालय आणि खासगी रूग्णालयात उपचारांसाठी दाखल करण्यात आले आहे. हा अपघात मध्यरात्री 2 च्या सुमारास झाला आहे.