गोंदिया : शहरातील सिंधी कॉलनी येथे एका नवनिर्माण इमारतीचे बांधकाम सुरू आहे. दिवसभर येथे मजूर कार्य करीत असतात. सायंकाळ होताच ते आपापल्या घरी परततात. मात्र, काही मजूर येथेच राहतात. बांधकामाच्या ठिकाणी ठेवलेले साहित्य व बांधकामावर लक्ष राहावे म्हणून ते राहतात. मात्र, शुक्रवारी येथे राहणाऱ्या चार पैकी दोन मजुरांची झोपेतच इमारतीत निर्घृण हत्या (Two laborers killed) झाल्याचे समोर आले. ही वार्ता वाऱ्यासारखी पसरताच नागरिकांनी घटनास्थळी एकच गर्दी केली होती. (Two-laborers-killed-in-Gondia-district)

प्राप्त माहितीनुसार, सिंधी कॉलनीत सुरू असलेल्या कामाच्या ठिकाणी काही मजुरांनी दिवसभर काम केले. सायंकाळी मजूर आपापल्या घराकडे निघून गेले. मात्र, चार मजूर येथेच थांबले. रात्री स्वयंपाक केल्यानंतर त्यांनी सोबतच जेवण केले. रात्री दहा ते अकरा वाजताच्या सुमारास ते झोपी गेले. मात्र, शुक्रवारचा दिवस उजळताच दोन मजुरांची हत्या झाल्याचे समोर आले.

सकाळी फिरायला जाणाऱ्या नागरिकांना ही बाब समजली. त्यांनी याची माहिती पोलिसांना दिली. माहिती मिळताच पोलिसांनी घटनास्थळ गाठून पंचनामा सुरू केला. पोलिसांनी पंचनामा करून दोन्ही मृतदेह शवविच्छेदनासाठी पाठविले. घटनास्थळी पोलिस अधीक्षक विश्व पानसरे यांनी पाहणी केली. घटनेचा पुढील तपास गोंदिया शहर पोलिस करीत आहे. दोघांची हत्या बलवानने केल्याची माहिती घटनास्थळी असलेल्या मजुराने दिली. बलवान फरार असून पोलिस त्याचा शोध घेत आहे.

दोन पैकी एक मजूर पळाला

गुरुवार व शुक्रवारच्या मध्यरात्री चारपैकी दोन मजुरांची इमारतीत निर्घृण हत्या करण्यात आली. हे हत्याकांड सकाळी उघडकीस आले. दोन्ही मजूर हे उतर प्रदेशातील असल्याची माहिती आहे. अमन आणि निरंजन असे निर्घृण हत्या झालेल्या मजुरांची नावे आहेत. तर बलवान असे हत्या करून फरार झालेल्या आरोपीचे नाव आहे. हत्याकांडानंतर बलवान फरार झाल्याची माहिती आहे. तर एक मजूर घटनास्थळावर आहे. पोलिसांनी चौकशीसाठी त्याला ताब्यात घेतल्याचे समजते.

(Two-laborers-killed-in-Gondia-district)