गडचिरोली : गडचिरोलीतील भामरागड तालुक्‍यातील कुंडुरवाही जंगलात नक्षलवाद्यांनी भूसुरुंग स्फोट करून पोलिस पथकावर गोळीबार केल्याची घटना घडली. पोलिसांनीही तत्काळ दखल घेत नक्षल्यांना प्रतिउत्तर दिले आहे. नक्षलवाद्यांनी घडवून आणलेल्या या भूसुरुंग स्फोटात पोलिस जखमी झाल्याची शक्‍यता वर्तविली जात आहे. दरम्यान, या चकमकीत दोन महिला माओवादी ठार झाल्याचे वृत्त आहे. त्यामध्ये रामको नरोटी या डीवीसी सदस्यासह शिल्पा धुर्वा या माओवादी महिलेचा मृत्यू झाल्याचे वृत्त आहे.