बल्लारपूर - शहरात दोन दिवसांपूर्वी एक संतापजनक घटना समोर आली. शेजारी राहणाऱ्या एका २२ वर्षीय विकृत तरुणाने एका नऊ वर्षीय मुलासोबत अनैसर्गिक कृत्य केल्याची घटना रविवारी उघडकीस आली. या प्रकरणी विकृत तरुणांविरुद्ध बल्लारपूर पोलिसांनी गुन्हा दाखल करून अटक केली.

नऊ वर्षीय मुलगा कुटुंबासह शहरातील एका वॉर्डात राहतो.आठ दिवसांपूर्वी त्याच्या घराशेजारी राहणाऱ्या एका तरुणाने घराजवळील झुडपात नेऊन त्याच्यावर अनैसर्गिक कृत्य केले होते. शेजारी पीडित मुलाची आई पाणी भरीत असताना तिने इतर मुलांची कुजबूज ऐकली. तिने घरी येऊन आपल्या मुलाला विचारणा केली असता पीडित मुलाने घराशेजारी असलेल्या तरुणाने अनैसर्गिक कृत्य केल्याचे सांगितले.

मुलाने दिलेल्या माहितीवरून कुटुंबीयांनी पोलिस ठाण्यात जाऊन तक्रार दाखल केली.या प्रकरणात बल्लारपूर पोलिसांनी कारवाई करत तरुणाला अटक केली. घटनेचा पुढील तपास पोलिस निरीक्षक आसिफ राजा शेख यांच्या मार्गदर्शनाखाली सुरू आहे.