Gadchiroli Rain Update - सतत कोसळत असलेल्या पावसाचा जोर काहीसा कमी झाला असला तरी जिल्हयातील १३ मार्ग बंदच आहेत. शिवाय अनेक ठिकाणी पुलांना जोडणारे रस्ते वाहून गेल्याने गावांचा संपर्क तुटला आहे.

शनिवार (ता.२२) जिल्हाधिकारी संजय मिणा यांनी सुटी जाहीर केल्यामुळे जिल्ह्यातील शाळा, महाविद्यालये बंद होती. अधूनमधून पावसाच्या सरी येतच होत्या. पावसामुळे राष्ट्रीय महामार्गावर कारसपल्ली नाल्यावरील रस्ता वाहून गेला आहे व रोमपल्लीजवळ १० फूट रस्ता तुटला आहे.

त्यामुळे बस व इतर मोठ्या वाहनाची वाहतूक होत नाही. अंकिसा ते चिंतरवेला नाल्यावरील रस्ता पूर्णपणे वाहून गेला आहे.बामणी, कंबालपेठा ते पुसुकपल्लीला जोडणाऱ्या नाल्यावरील पूल पूर्ण तुटला आहे. टे

कडाताला ते बोरमपल्ली जाणारा रस्ता वाहून गेला आहे. बेजुरपल्ली ते परसेवाडा जोडणारा रस्ता वाहून गेला आहे.जाॅर्जपेठा ते परसेवाडा जोडणारा रस्ता पूर्णपणे वाहून गेला आहे.सध्या पाणी कमी झाले असले तरी वाहतूक बंद आहे.