खामगाव : तालुक्यातील पळशी बु येथील शेतकऱ्याच्या अंगावर विज पडल्याने शेतकऱ्याचा जागीच मृत्यू झाला आहे. तर शरीर भाजल्या गेले आहे.ही घटना २० मे रोजी सायंकाळी घडली आहे .

तालुक्यात विजेच्या कडकडाटा सह जोरदार पावसाने हजेरी लावली. माहिती नुसार घटनेत मृत्यू झालेल्या शेतकऱ्याचे नाव भगवान भास्कर धनोकार वय (५०) रा पळशी बु असे आहे. शेतात उन्हाळी ज्वारी पिकाचे वन्य प्राण्यांपासून संरक्षण व्हावे यासाठी ते आपल्या शेतात पिकाचे संरक्षण करत होते

शेतीची कामे करण्यासाठी गेले असताना घटना घडल्याची माहिती स्थानिक नागरिकांनी दिली. दिवसेंदिवस वीज पडून मृत्यू झाल्याच्या घटना तालुक्यात वाढताना दिसत आहेत. मृतक शेतकऱ्याच्या परिवाराला शासनाच्या माध्यमातून आर्थिक मदत मिळावी अशी मागणी होत आहे.