कारंजा - समृद्धी महामार्गावर अपघाताचे प्रमाण वाढतच आहे. अशातच 175 लोकेशन समृद्धी महामार्गावर टोमॅटोला भरून असलेला ट्रकचे स्टेरिंग लॉक झाल्यामुळे उलटला या अपघातात दोन जण जखमी झाले आहेत.

संमृध्दी महामार्गावर नाशिकवरून कोलकत्यासाठी टोमॅटो घेऊन जात असलेला ट्रक रस्ता दुभाजकाला धडकून पलटी झाला. त्यामध्ये ट्रकचालक हलील खान (वय 22) क्लीनर खालील उद्दीन (वय 18) जखमी झाले.

अपघाताची माहिती गजानन करडे यांनी तात्काळ श्री गुरु मंदिर रुग्णवाहिकेचे रुग्णसेवक रमेश देशमुख यांना दिली. त्यांनी तात्काळ टोलनाका समृद्धी महामार्ग 108 पायलट विधाता चव्हाण यांना संपर्क केला. विधाता चव्हाण यांनी आपली रुग्णवाहिका डॉ मोटवानी, फायर टीमचे वैभव जाधव कृष्णा सोनवणे सुमित गोदे व महाराष्ट्र सुरक्षा फोर्सचे बाळकृष्ण सावंत विजय कमल हे घटनास्थळी दाखल होऊन पायलट विधाता चव्हाण यांनी जखमींना रुग्णवाहिकेद्वारे उपजिल्हा रुग्णालयाचे दाखल केले. तेथील वैद्यकीय डॉ. चव्हाण यांनी त्यांच्यावर उपचार केले.