अमरावती : शहरात अवैध शस्त्रे बाळगणाऱ्यांची संख्या वाढत आहे. दोन आठवड्यांत गुन्हेशाखेच्या पोलिसांनी सहा देशी बनावटीचे कट्टे आणि 26 काडतुसे जप्त केली. त्यात एकूण पाच जणांना आतापर्यंत अटक झाली. जप्त शस्त्रे ही 3 लाख 18 हजार रुपये किंमतीची आहेत. 

हेही वाचा - चिंताजनक! नागपुरात कोरोनाचा नवीन स्ट्रेन? दिल्लीत पाठवलेल्या नमुन्यात म्युटेशन झाल्याने संसर्ग...

मंगळवारी (ता. 30) रात्रीच्या सुमारास नागपुरीगेट ठाण्याच्या हद्दीतून संशयित आरोपी अकीब हुसेन अख्तर हुसेन (वय 23, रा. अलमासनगर, जुनीवस्ती, बडनेरा) याला अटक केली. त्याच्या ताब्यातून पोलिसांनी देशी बनावटीचा एक कट्टा आणि तीन जिवंत काडतुसेही जप्त केली. जप्त शस्त्रे आणि काडतुसे 38 हजार रुपये किंमतीची आहेत. यापूर्वी 13 मार्च 2021 ला सय्यद वसीम सय्यद नूर (वय 26, रा. फरीदनगर) याला अटक करून एक देशीकट्टा आणि 12 जिवंत काडतुसे जप्त केली होती. 22 मार्च रोजी शेख समीर मौलाना शेख अफसर (वय 25) व मोहंमद अवेस मोहंमद लतिफ (वय 21, दोघेही रा. गौसनगर, अमरावती) यांच्या ताब्यातून तीन देशीकट्टे आणि आठ जिवंत काडतुसे जप्त केली. मो. असिम ऊर्फ लड्डू मोहंमद इद्रिस (वय 30, पॅराडाइज कॉलनी) याला अटक करून एक कट्टा आणि तीन काडतुसे जप्त केली होती. 

हेही वाचा - रणजित सफेलकरची पोलिसांनी काढली धिंड; अनवाणी पायाने, बरमुड्यावरच नेले न्यायालयात

मध्य प्रदेशसोबत तार जुळलेले -
अवैध अग्निशस्त्रे बाळगून बरेच जण भाईगिरीच्या नादात अडकले. ही अग्निशस्त्रे मध्य प्रदेशच्या पाचोरा येथून आणल्या जात असल्याची माहिती आहे.