हे जे ईडी सरकार आहे हे बोलत एक आणि करते एक या सरकारने कुठलाही लेखी आदेश न देताच नाफेड बंद केले त्यामुळे आज शेतकऱ्यांचा लाखो रुपयाचा माल हा नाफेड मध्ये पडून आहे, हे सरकार कार्यक्रमासाठी पंधरा कोटी रुपये खर्च करतात आणि शेतकऱ्यांसाठी यांच्या जवळ रुपया नाही.

असा निशाणा साधत तिवसा मतदार संघाच्या आमदार व माजी मंत्री यशोमती ठाकूर यांनी रामचंद्र युवक कल्याण संस्था मोझरीच्या वतीने तिवसा शहरातील यादव देशमुख महाविद्यालयात आयोजित जॉब महोत्सवाच्या दरम्यान त्यांनी माध्यमांशी बोलतांना शिंदे सरकारवर टीका केली.

शेतकऱ्यांनी लाखो रुपयाचा माल हा नाफेड मध्ये दाखल केला असतानाच नाफेड खरेदी बंद करणे हा एक प्रकारे शेतकऱ्यांवर अन्याय आहे.

यामुळे शेतकऱ्यांचे मोठे नुकसान होत असल्याचे दिसत आहे,वरिष्ठ अधिकारी फोनवरून सांगतोय की नाफेड खरेदी बंद करा,नेमक यांचे टार्गेट किती आणि आता शेतकऱ्यांनी जवळ असलेला चणा तो कुठे द्याचा हा मोठा प्रश्न सध्या शेतकऱ्यांन समोर उभा आहे,

हे ईडी सरकार आहे हे बोलत एक आणि करता एक,या शिंदे सरकारकडे कार्यक्रमाच्या खर्चासाठी कोटी रुपये आहेत मात्र शेतकऱ्यांसाठी यांच्या जवळ रुपया नाही,हा अन्याय आम्ही का म्हणून सहन करायचा लेखी आदेश न देताच जर नाफेडची खरेदी बंद केल्यास आम्ही आंदोलनात्मक पवित्रा घेऊ असा इशारा यावेळी माजी मंत्री यशोमती ठाकूर यांनी शिंदे सरकारला दिला आहे..

जिल्ह्याचे टार्गेट पूर्ण झाले असून पोर्टल कुठल्याही क्षणी बंद पडू शकते, त्यामुळे नाफेडची खरेदी बंद करण्यासंधर्भात वरिष्ठाकडून सूचना मिळाल्या आहेत मात्र लेखी आदेश अजूनपर्यंत नाहीत, शेतकऱ्यांचा माल हा पडून आहे रोज शेतकरी येत आहे त्यामुळे आम्ही टार्गेट वाढवून देण्याची मागणी केली आहे..

-गजानन अळसपुरे, अध्यक्ष खरेदी विक्री.