वाशीम : यवतमाळ-वाशीम लोकसभा मतदारसंघाचे तब्बल पाच वेळा प्रतिनिधित्व करणार्या जेष्ठ खासदार भावना गवळी यांनी अखेर महायुतीच्या प्रचारात सक्रिय होणार असल्याची माहिती पत्रकार परिषदेत दिली आहे.

वाशीम- यवतमाळ लोकसभा निवडणुकीत महायुतीकडून विद्यमान खासदार भावना गवळी यांना उमेदवारी नाकारल्यानंतर या मतदारसंघात शिवसेनेना शिंदे गटाकडून राजश्री पाटील यांना उमेदवारी जाहीर झाली होती यावरून भावना गवळी नाराज होत्या कार्यकर्तेही प्रचंड आक्रमक झाले होते. प्रचाराला सुरुवात झाली असली तरी खासदार भावना गवळी आउट ऑफ कव्हरेज होत्या.

मात्र आज (ता.13) खासदार भावना गवळी यांनी आपण महायुतीच्या प्रचारात सक्रिय सहभाग घेणार असल्याची घोषणा केली आहे. गेल्या पंचवीस वर्षापासून आपण मतदारसंघात विकासकामाचा धडाका लावला होता परंतु पक्षाने उमेदवारी दिली नाही यामधे आपलेच काही चुकले असेल अशी खंतही त्यांनी व्यक्त केली. मुख्यमंत्री एकनाथ शिंदे यांच्या शिष्टाईनंतर खासदार भावना गवळी सक्रिय झाल्याची माहिती आहे.