मलकापूर (जि.बुलडाणा) : यवतमाळ येथील तरुणीला बुलडाणा जिल्ह्यातील मलकापूर येथे बोलावून एका युवकासोबत लग्न लावून दिले व देवदर्शनाचे कारण सांगत पूर्णा नदीच्या पुलासमोर गाडी थांबवून तेथील झुडपात तरुणीवर दोघांनी अत्याचार केल्याची घटना घडली. याप्रकरणी तरुणीच्या तक्रारीवरून मलकापूर शहर पोलिसांनी दोघा आरोपींवर गुन्हा दाखल केला आहे.
येथील भास्कर इंगळे याने वणी तालुका यवतमाळ येथील 18 वर्षीय तरुणीला मोबाईलवर फोन करून मलकापूर येथे ये मी तुझे लग्न एकनाथ पारस्कर (रा.ओमकार लॉन, निंबारी फाटा) याचे सोबत लावून देतो, असे म्हणून त्या तरुणीला मलकापूरला बोलविले व 22 मार्च 2020 रोजी तरुणीचे एकनाथ पारस्कर सोबत लग्न लावून दिले. 24 मार्च रोजी भास्कर इंगळे, एकनाथ पारस्कर या दोघांनी त्या तरुणीस मोटार सायकलवर ट्रिपल सिट बसवून धुपेश्वर येथे देवदर्शनासाठी नेले.
महत्त्वाची बातमी - खामगावात कोरोना संशयित महिलेचा मृत्यू
दिली जिवे मारण्याची धमकी
मात्र, मंदिर बंद असल्याने बाहेरून दर्शन घेत पूर्णा नदीवरील पुलाच्या समोर जात पारस्कर याने दुचाकी गाडी थांबवून तिला ओढत झुडपात नेवून दोघांनी तिच्यावर जबरीने अत्याचार केला. कोणालाही सांगितल्यास जिवे मारण्याची धमकी दिली. पीडित तरुणीच्या तक्रारीवरून मलकापूर शहर पोलिसांनी भास्कर इंगळे, एकनाथ पारस्कर रा.ओमकार लॉन, निंबारी फाटा (मलकापूर) यांचे विरुध्द कलम 376 (1), 506, 34 भादंविनुसार गुन्हा दाखल केला आहे. पुढील तपास शहर पोलिस करीत आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.