अमरावती : एका 13 वर्षीय अल्पवयीन मुलीच्या असहायतेच्या फायदा घेऊन तिच्यावर बळजबरीने अत्याचार करण्यात आल्याची घटना जिल्ह्यातील तळेगाव दशासर ठाण्याअंतर्गत येणाऱ्या एका गावात घडली. या प्रकरणी पोलिसांनी आरोपी रवी इंगोले (वय 22) याला अटक केली आहे. या घटनेने गावात खळबळ उडाली आहे.
धामणगावरेल्वे तालुक्‍यातील तळेगाव दशासर हद्दीतील एका गावातील पीडित युवतीवर काही दिवसांपासून रवी याची नजर होती. पीडितेच्या घरी कुणी नसताना तो तेथे पोहोचला. पीडितेवर त्याने बळजबरीने अत्याचार केला.
घटनेची वाच्यता करू नये म्हणून तिला जीवे मारण्याची त्याने धमकीही दिली. त्यामुळे सतत महिनाभर तिने रवीकडून सुरू असलेले लैंगिक अत्याचार सहन केले. परंतु त्याच्या वागण्यात काहीच बदल झाली नाही. त्यामुळे पीडित युवतीने हिंमत दाखवून, पालकांपुढे आपली आपबिती सांगितली. त्यानंतर पालकांनी पोलिसांत तक्रार केली. पोलिसांनी आरोपीला अटक केली असून त्याला न्यायालयात हजर केले आहे.
पालकांनी तळेगाव दशासर ठाणे गाठले. पीडितेच्या तक्रारीवरून पोलिसांनी रवी इंगोलेविरुद्ध रात्री गुन्हा दाखल करून त्याला अटक केली. गुरुवारी (ता. चार) रवीला न्यायालयासमोर हजर केले असता, त्याला शनिवारपर्यंत (ता. सहा) पोलिस कोठडीत ठेवण्याचे आदेश न्यायालयाने दिले, असे तपास अधिकारी संदीप बिरांजे यांनी सांगितले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.