PM Sheikh Hasina Resignation: बांगलादेशच्या पंतप्रधान शेख हसीना यांनी आपल्या पंतप्रधानपदाचा राजीनामा दिला आहे. शासकीय नोकरीतील आरक्षणाच्या मुद्द्यावरुन मोठ्या संख्येनं नागरिक रस्त्यावर उतरले आहेत. तरी, मागील काही दिवसांपासून सुरु असलेल्या आंदोलनाला हिंसक वळण लागलं. या आंदोलनात आतापर्यंत ३०० हून अधिक जणांचा बळी गेला आहे. त्याच पार्श्वभूमीवर शेख हसीना यांनी आपल्या पंतप्रधानपदाचा राजीनामा दिला आहे.

पंतप्रधान पदाचा राजीनामा दिल्यानंतर शेख हसीना या भारताच्या दिशेनं निघाल्याची माहिती आहे. शेख हसीना या भारतात आश्रय घेणार असल्याची चर्चा आहे. कारण भारतासोबत शेख हसीना यांचे वैयक्तिक संबंध चांगले असल्यानं देशातलं वातावरण निवळेपर्यंत त्या भारतात आश्रय घेऊ शकतात अशी चर्चा आहे.