महायुतीतला बारामतीचा मार्ग मोकळा झालेला दिसतोय. कारण शिंदे गटाचे नेते विजय शिवतारे आणि अजित पवारांमध्ये काल समेट झाल्याचं कळतंय. मुख्यमंत्री एकनाथ शिंदेंच्या उपस्थितीत आणि फडणवीसांच्या पुढाकारानं या दोन्ही नेत्यांमध्ये समेट झाल्याची चर्चा आहे. मुख्यमंत्री एकनाथ शिंदेंच्या शासकीय निवासस्थानी म्हणजेच वर्षा बंगल्यावर काल बैठक झाली. ही बैठक सकारात्मक झाल्यानं शिवतारे आज पत्रकार परिषद घेत लोकसभा निवडणुकीतून माघार घेण्याची घोषणा करु शकतात, अशी शक्यता वर्तवली जात आहे.