Pune Flood Updates: राज्याचे मुख्यमंत्री एकनाथ शिंदे सोमवारी पुणे दौऱ्यावर होते. पुण्यातील एकता नगरची त्यांनी पाहणी केली आणि मृतांच्या नातेवाईकांची भेट घेऊन त्यांना धीर दिला. पुण्यातील खडकवासला धरणातून विसर्ग वाढवल्यानं अनेकांचे संसार पाण्यात गेलेत. तरी, पाण्याची पातळी वाढताच प्रशासनाकडून अनेकांचं सुरक्षितस्थळी स्थलांतर करण्यात आलं. यावेळी पूरग्रस्तांनीही आपल्या तक्रारीचा पाढा शिंदेंसमोर वाचून दाखवला.

अजित पवार यांच्या दौऱ्यानंतर आता मुख्यमंत्री सुद्धा दौऱ्यावर आल्यामुळे पुण्यातले प्रशासन ॲक्शन मोडवर आलेले दिसले. मुख्यमंत्री एकनाथ शिंदे आज पुण्यात मदत , स्वच्छता, पुनर्वसन, नियोजन यावर वरिष्ठ अधिकाऱ्यांसह बैठका घेणार आहेत.