सांगलीचे अपक्ष खासदार विशाल पाटलांनी आज संसदेत बोलताना पहिल्याच प्रश्नात थेट कोल्हापूर आणि सांगलीतील पुराच्या मुद्द्याला हात घातला. सांगली, कोल्हापुरात मागील ८-१० दिवसांपासून मुसळधार पाऊस बरसतोय. त्यामुळे सांगली आण कोल्हापुरात पूरस्थिती निर्माण झाली आहे. त्यावरुन विशाल पाटलांनी पहिलाच प्रश्न संसदेत उपस्थित केला. आलमट्टी धरण आणि कोयना धरणाच्या लाभक्षेत्रात झालेल्या पावसाने पाणी पातळी वाढली असून यामुळं पुराची स्थिती निर्माण झाली आहे. तरी, यावर सरकारने उपाययोजना आणि मदत करावी, अशी मागणी खासदार विशाल पाटील यांनी लोकसभेत केली.