अलीकडेच WhatsApp वर एक खोटा संदेश मोठ्या प्रमाणावर व्हायरल होत आहे, ज्यामध्ये असा दावा करण्यात आला आहे की देशभरातील ATM 2 ते 3 दिवसांसाठी बंद राहणार आहेत. या अफवेमुळे अनेक नागरिकांमध्ये गोंधळ व भीती निर्माण झाली की त्यांना रोख रकमेचा तुटवडा भासू शकतो.
व्हायरल WhatsApp संदेशात दावा केला जात आहे की, "ATM मशीन देशभरात 2 ते 3 दिवस बंद राहणार आहेत, त्यामुळे आधीच पैसे काढून ठेवा."
भारत सरकारच्या अधिकृत PIB Fact Check विभागाने या व्हायरल मेसेजची चौकशी करून स्पष्ट केले की, हा दावा पूर्णतः खोटा आहे. देशभरातील ATM सेवा नेहमीप्रमाणे सुरू राहणार आहेत.
PIB Fact Check ने त्यांच्या अधिकृत ट्विटर हँडलवरुन एक ट्विटद्वारे सांगितले की,
“A viral #WhatsApp message claims ATMs will be closed for 2–3 days.
This message is FAKE.
ATMs will continue to operate as usual.
Don’t share unverified messages.”
या संबंधात देशातील कोणत्याही सार्वजनिक किंवा खासगी बँकेने, तसेच RBI ने ATM सेवा बंद होणार असल्याची कोणतीही सूचना दिलेली नाही.
पूर्वीही व्हॉट्सअ‍ॅप किंवा सोशल मीडियावर ATM बंद होणार असल्याच्या खोट्या बातम्या प्रसारित झाल्या होत्या त्यावेळीसुद्धा PIB किंवा बँकांनी अशा अफवांचे खंडन केले होते.
"देशभरातील ATM 2 ते 3 दिवस बंद राहणार आहेत" हा WhatsApp मेसेज पूर्णपणे खोटा आहे. कोणतीही अधिकृत संस्था किंवा बँक ATM बंद होणार असल्याचे सांगत नाही. ATM सेवा नेहमीप्रमाणे सुरू आहेत व सुरू राहतील.
सूचना नागरिकांसाठी
खोट्या संदेशांवर विश्वास ठेवू नका. अधिकृत आणि विश्वासार्ह स्रोतांकडून माहिती मिळवावी. अशा अफवांचा प्रसार थांबवा व देशातील आर्थिक व्यवहार सुरळीत राहण्यास मदत करा.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.