Fake Video Of Karnataka CM Siddaramaiah:

कर्नाटकचे मुख्यमंत्री सिद्धरामय्या यांचा एक व्हिडिओ सध्या सोशल मीडियावर मोठ्या प्रमाणात व्हायरल होत आहे, ज्यामध्ये ते कन्नड भाषेत काहीतरी बोलताना ऐकू येत आहेत.

मात्र, सिद्धरामय्या यांना पुढील आयुष्यात मुस्लिम म्हणून जन्म घ्यायचा आहे, असे ते या व्हिडिओमध्ये म्हणत असल्याचा दावा करत सोशल मीडिया यूजर्स तो व्हायरल करत आहेत.

दावा

याबाबत आम्ही अधिक माहिती घेतली असता त्यातून असे, समोर आले की, हा व्हायरल व्हिडिओ 10 मार्च 2024 रोजीचा आहे.

सिद्धरामय्या मंड्यातील एका सार्वजनिक सभेत भाषण करत होते. ज्यामध्ये ते जेडीएस प्रमुख एचडी देवेगौडा यांच्यावर टीका करत होते आणि त्यांच्या जुन्या विधानाचा हवाला देत होते.

सिद्धरामय्या एचडी देवेगौडा यांच्या जुन्या विधानाबद्दल म्हणतात की, "ते म्हणायचे की मला (देवेगौडा) मुस्लिम म्हणून पुनर्जन्म घ्यायचा आहे."

सध्या व्हायरल होत असलेला व्हिडिओ ऋषी बागरी (@rishibagree) नावाच्या युजरने सोशल मीडिया प्लॅटफॉर्म एक्स वर शेअर केला आहे. याबरोबर ऋषी बागरीने कॅप्शनमध्ये लिहिले की, " सिद्धरामय्या यांना पुढील जन्मी मुस्लिम म्हणून जन्म घ्यायचा आहे."

सत्य

आम्ही कन्नड भाषेतील जाणकारांकडून या व्हिडिओमध्ये सिद्धरामय्या काय म्हणत आहेत याची तपासणी केली. आणि आढळले की व्हायरल व्हिडिओ 10 मार्च 2024 चा आहे, जेव्हा सिद्धरामय्या मंड्यामध्ये एका सार्वजनिक सभेला संबोधित करत होते.

व्हायरल व्हिडिओ हा या भाषणाचा एक भाग आहे, ज्यामध्ये ते देवेगौडा यांच्यावर टीका करतात आणि त्यांच्या जुन्या विधानाबद्दल म्हणतात की, "मला (देवेगौडा) मुस्लिम म्हणून पुनर्जन्म घ्यायचे आहे."