Created By : Newsmeter

Translated By: Sakal Digital Team

एका व्हायरल व्हिडिओमध्ये दावा करण्यात आला आहे की बांगलादेशातील मुस्लिम लोक हिंदू शेतकऱ्यांची पिके पेटवून त्यांना भारतात स्थलांतर करण्यास भाग पाडत आहेत. व्हिडिओमध्ये एक जळालेले शेत आणि एक शोकमग्न कुटुंब दाखवण्यात आले आहे, ज्यामध्ये व्यक्ती बंगाली भाषेत बोलत आहेत.

पोस्टमधील दावा काय?

मुस्लिम लोक हिंदू शेतकऱ्यांची पिके पेटवून बांगलादेश सोडण्यास भाग पाडत आहेत.

पोस्ट येथे येथे पाहा.

Archeive Archieve

पुरावा 1

Channel 24 या बांगलादेशी न्यूज चॅनेलच्या 5 डिसेंबर 2024 रोजीच्या यूट्यूब व्हिडिओमध्ये स्पष्ट करण्यात आले आहे की व्हिडिओमधील व्यक्ती मुस्लिम शेतकरी नसीम मियाँ आहेत. नसीम यांच्या पीयरपूर गावातील लक्ष्मीपूर शेतात ही घटना घडली.

पुरावा 2

Kalbela या बांगलादेशी वृत्तपत्राच्या 6 डिसेंबर 2024 च्या अहवालानुसार, नसीम मियाँ यांच्या शेतातील तीन बिगाह जमीन भाड्याने घेऊन पिकवलेल्या पिकांवर अज्ञात व्यक्तींनी पेट्रोल टाकून आग लावली. घटनास्थळी पेट्रोलच्या बाटल्या सापडल्या आहेत.

पुरावा 3

Channel 2024 यांच्या बातमीतून देखील हे स्पष्ट झाले की हा दावा खोटा आहे.

पुरावा 4

Jago News 24 च्या 2022 च्या एका अहवालानुसार, या भागात अशा घटनांचा वारंवार सामना होत आहे, जिथे शेतकरी रेजाउल इस्लाम यांनीही आपल्या जळालेल्या पिकांबद्दल दुःख व्यक्त केले होते.

पुरावा 5

Kushtia Model Police Station चे अधिकारी शिहाबुर रहमान सिहाब यांनी सांगितले की, शेतकऱ्यांकडून औपचारिक तक्रार मिळाल्यास कारवाई केली जाईल. या घटनेत हिंदू शेतकऱ्यांवर किंवा धार्मिक कारणांवर आधारित कुठलाही पुरावा मिळालेला नाही.

निष्कर्ष

व्हायरल दावा पूर्णपणे खोटा आहे. पीडित शेतकरी नसीम मियाँ हे मुस्लिम आहेत, ज्यांच्या पिकांवर अज्ञात व्यक्तींनी आग लावली. या घटनेला कोणताही धार्मिक किंवा साम्प्रदायिक हेतू जोडता आलेला नाही.

(Newsmeter या संकेतस्थळाने याबाबतचा रिपोर्ट प्रसिद्ध केला आहे. शक्ति कलेक्टिव्हचा भाग म्हणून 'सकाळ'ने याचं भाषांतर केलेलं आहे.)