ashadhi wari 2022 : पंढरीची वारी म्हणजे महाराष्ट्रात साजरी होणारा एक मोठा सणच. हा सण म्हणजे फक्त हरिनामाचा गजर आणि निस्सीम भक्ती. आषाढाची चाहूल लागताच मनाला ओढ लागते ती पंढरीच्या वारीची. हरिमय झालेले असंख्य वारकरी कित्येक किलोमीटरचा रस्ता तुडवत त्या पांडुरंग परमात्म्याला पाहण्यासाठी जातात, आणि हा अनुपम सोहळा उभा महाराष्ट्र तल्लीन होऊन पाहत असतो. गेली दोन वर्ष करोनामुळे ही वारी होऊ शकली नाही. पण जणू आपली जन्मदात्री माऊलीच आपल्याला भेटली नाही इतकी खंत सर्वांना लागली. पण यंदा हे मळभ दूर झालं आणि वारीचा मार्ग मोकळा झाला. (ashadhi wari 2022)

(Dr. sadanand more said history of pandharpur wari in wari unplugged)

प्रस्थान सोहळे पार पाडत 'ग्यानबा तुकाराम' गजर करत पालख्या आता पंढरपूरच्या दिशेने निघाल्या आहेत. हा पंढरीचा पांडुरंग म्हणजे अवघ्या महाराष्ट्राचे आराध्य दैवत. ही पंढरीची वारी हजारो वर्ष अविरत सुरू आहेआणि ती पुढेही राहील पण वारी म्हणजे काय? त्याचं महत्व काय? उद्दिष्ट काय? याविषयी क्वचितच माहिती असते. हाच हरिमय इतिहास, वारीची दिव्य परांपरा आज आपण अगदी सोप्या आणि सध्या शब्दात उलगडणार आहोत.

संत साहित्याचे गाढे अभ्यासक डॉ. सदानंद मोर म्हणतात, 'महाराष्ट्रात असंख्य प्रथा आहेत पण ही 'पंढरीची वारी' म्हणजे प्रथा नाही तर आपल्या विठ्ठलाप्रती मनोभावे केलेली उपासना आहे. जी अखंड आणि अभंग सुरू आहे.' या शिवाय वारी म्हणजे काय, ती का करावी, त्याचा उद्देश काय आणि वारी विषयी तुम्हाआम्हाला माहीत नसलेल्या असंख्य गोष्टी सदानंद मोरे यांनी सांगितल्या आहेत. पण त्या जर तुम्हाला जाणून घ्यायच्या असतील तर 'वारी unplugged' ही सकाळ ऑनलाईनची ही विशेष पॉडकास्ट मालिका ऐकावी लागेल. ज्याची लिंक खाली जोडली आहे.

या विशेष पॉडकास्ट मालिकेत पंढरीच्या वारी विषयी आजवर कधीही न ऐकलेली माहिती, वारीचा इतिहास आपण उलगडणार आहोत. यासाठी संत साहित्याचे अभ्यासक दोन सदानंद मोरे मार्गदर्शन करणार आहेत. आजवर आपण पंढरीची वारी पहिली असेल पण या पॉडकास्टच्या माध्यमातून केलेली संवाद वारीही न चुकवावी अशीच आहे. तेव्हा जरूर ऐका 'वारी unplugged'.