केडगाव : संत तुकाराम महाराज पालखी सोहळा मार्गावर यंदा वाहतुकीचा बोजवारा उडाला आहे. सोहळा चालू असताना येणारी जड वाहने थांबविण्याची मागणी वारक-यांकडून होत आहे.
पालखीसाठी महामार्गावरील वाहतूक पर्यायी मार्गाने वळविल्यानंतर पोलिसांकडून स्थानिक वाहनांची अडवणूक केली जाते. तर काही ठिकाणी जड वाहतूक सोहळ्यातून जात असताना त्याकडे दुर्लक्ष केल्याचे चित्र पुणे सोलापूर महार्मावर आहे. विशेष पोलिस महानिरीक्षक
विश्वास नांगरेपाटील यांनी संत ज्ञानेश्वर पालखी मार्गावर सायकलवर फिरून सुरक्षा व वाहतूक व्यवस्थेची पाहणी केली. नांगरेपाटील यांनी या मार्गावरही लक्ष घालण्याची मागणी होत आहे.
पालखी सोहळा चालू असताना त्या मार्गावरून सोहळयाच्या बाहेरील वाहने सोडली जात नाहीत. जड वाहनांना कित्येक किलोमीटरवर दूरवर थांबविण्याचे आदेश असतात. न थांबणा-या वाहनांसाठी दूरवरचा पर्यायी मार्ग काढलेला असतो. सार्वजनिक वाहतूक करणा-या एसटी बसही या नियमातून सुटत नाही. यंदा मात्र लाखो वारकरी सोलापूर मार्गावरून जात असताना जड
वाहतूकही अधून मधून जाताना दिसत आहे. याचा त्रास पायी चालणा-या वारक-यांना आणि स्थानिक भाविकांना दर्शन घेताना होत आहे. ही वाहतूक पोलिसांच्या समोरून जात असताना पोलिस बघ्याची भूमिका घेत आहेत. याबद्दल आश्चर्य व्यक्त करण्यात येत आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.