मैत्रिणींनो, कधी कोणत्या समारंभासाठी किंवा इतर कोणत्या कारणाच्या निमित्ताने मेकअप आपल्याला करायला लागतो. हा मेकअप करताना या काही टिप्स लक्षात ठेवा. 

- ताज्या बातम्यांसाठी डाऊनलोड करा ई-सकाळचे ऍप

- पुण्याच्या बातम्या वाचण्यासाठी येथे ► क्लिक करा

• चेहरा धुतल्यानंतर किंवा मॉइश्चरायझर लावल्यानंतर लगेच मेकअप सुरू करा. मध्ये खूप वेळ जाऊ देऊ नका. मेकअप करण्यापूर्वी चेहरा स्वच्छ धुतलेला असावा. त्यासाठी चांगला फेसवॉश वापरावा.
• मेकअपची सगळी साधनं आधीपासूनच तयार ठेवावीत. वस्त्रे परिधान करण्यापूर्वीच मेकअप करणे केव्हाही चांगले.
• फाउंडेशन ही गोष्ट मेकअपमध्ये खूप महत्त्वाची. त्याकडे अनेक जणी नीट लक्ष देत नाहीत. हे फाउंडेशन अतिशय व्यवस्थित लावावे. ते शक्यतो चांगल्या कंपनीचेच वापरावे.
• फाउंडेशन लावल्यावर पावडरचा हलका पफ फिरवावा, त्यानंतर डोळ्यांचा मेकअप करावा.
• मेकअप करताना लिक्विड फाउंडेशनचा एकच थर चेहऱ्यावर लावला जातो. तो अर्ध्या-पाऊण तासात कमी होतो. नंतर चेहरा मेकअप न केल्यासारखा दिसू लागतो. त्यामुळे दिवसभर बाहेर राहणाऱ्यांनी फाउंडेशनचे दोन-तीन थर चेहऱ्यावर लावावेत. त्यावर कॉम्पॅक्‍ट पावडर लावल्यास दिवसभर मेकअप चांगला राहतो.
• रोजच्या रोज मेकअप करताना फाउंडेशन, ब्लशर, लिपस्टिक ही सौंदर्यप्रसाधने वापरावीत.
• आय लायनर हे शक्यतो तुम्हाला व पोशाखाला शोभले पाहिजेत. त्यामुळे रंगांची निवड अतिशय काळजीपूर्वक करा.

Edited By - Prashant Patil