मेकअप ही गोष्ट अतिशय महत्त्वाची. हेअर कलरिंगपासून आयलायनरपर्यंत आणि फाउंडेशनपासून नखांची काळजी कशी घ्यायची इथपर्यंत कानमंत्र देणारं हे सदर.

• मेकअप चढवताना थंड गुलाबपाण्याने चेहरा पुसून घ्यावा, त्यामुळे चेहऱ्याचे पोअर्स बंद होऊन मेकअपचा कोणताच थर स्किनमध्ये जात नाही. 
• मेकअप उतरवताना क्लिन्झिंग मिल्कनं साफ करावा आणि झोपण्यापूर्वी तेलानं हलका मसाज करावा. त्यामुळे चेहरा ड्राय होत नाही. 
• मेकअप किट घेताना त्याची एक्सपायरी डेट न विसरता पाहून घ्यावी आणि चांगले ब्रँड निवडावेत. मेकअपचे ब्रश उन्हात ठेवावेत. 
• केसांचा कंगवा आठवड्यातून दोन वेळा तरी गरम पाण्याने धुवावा. 
• लिपस्टिकची शेड निवडताना आपल्या ओठांच्या मूळ रंगांचाही विचार करावा.
• हल्ली मॅट आणि न्यूड कलरचा ट्रेंड आहे. मेकअपच्या शेवटी मान, पाठ यावरही फाउंडेशनचा एक हात फिरवावा. 
• फाउंडेशनचे स्पाँज नेहमी स्वच्छ धुऊन वापरावेत. 
• केसांना हेअर कलर, नेल आर्ट या गोष्टींमुळे अजून प्रोफेशनल लुक येतो.
• क्लीनअप, हेअरस्पा, मेनीक्युएर पेडीक्युएर केल्यास याही गोष्टी तुमच्या एकूण व्यक्तिमत्त्वाला खुलवण्यात उपयोगी पडतात. 
• कार्यक्रमात मेकअपवर घाम येत असल्यावर टिश्यूनं हळूच टिपून घ्यावा.

Edited By - Prashant Patil