अजिंक्य डी. वाय. पाटील अभियांत्रिकी महाविद्यालयातील विद्यार्थ्यांनी नुकत्याच पार पडलेल्या अंतरमहाविद्यालयीन मुष्टीयुद्ध आणि जुडो स्पर्धांमध्ये उल्लेखनीय कामगिरी केली.

महाविद्यालयाच्या कार्यकारी उपाध्यक्ष डॉ. कमलजीत कौर आणि प्राचार्य डॉ. फारुक सय्यद यांच्या मार्गदर्शनाखाली विद्यार्थिनी आर्या मोरे हिने जुडो क्रीडा प्रकारात प्रथम क्रमांक, तर विद्यार्थी सिद्धांत हाके याने मुष्टीयुद्ध प्रकारात प्रथम क्रमांक मिळवला. तसेच विद्यार्थी हर्षल परदेशी याने द्वितीय क्रमांक पटकावला आणि आंतरविभागीय स्पर्धांसाठी निवड निश्चित केली.

हॉलीबॉल, टेबल टेनिस, रेसलिंग आणि योगा यांसारख्या विविध क्रीडा प्रकारांमध्येही महाविद्यालयातील विद्यार्थी-विद्यार्थिनींनी उत्स्फूर्त सहभाग नोंदवला.

महाविद्यालयाचे क्रीडा आणि शारीरिक शिक्षण विभाग प्रमुख प्रा. प्रशांत लोंढे यांनी विद्यार्थ्यांना प्रोत्साहन देत त्यांच्या यशासाठी विशेष प्रयत्न केले. विद्यार्थ्यांच्या या उल्लेखनीय कामगिरीबद्दल कार्यकारी उपाध्यक्ष डॉ. कमलजीत कौर यांनी क्रीडा विभागाचे आणि सर्व विजेत्या विद्यार्थ्यांचे विशेष कौतुक केले.