देशात एप्रिल महिन्यापासून ‘बीएस-६’ उत्सर्जन मानक लागू करण्यात आले आहेत. त्यामुळे ग्राहक ‘बीएस-४’ इंजिन वाहनांऐवजी ‘बीएस-६’ मानकांचे इंजिन असलेले वाहन वापरण्यास सुरुवात करत आहेत. या नव्या बीएस-६ मानकांच्या वाहनांमध्ये मायलेज आणि इंजिनामध्ये अधिक ताकद पाहायला मिळत आहे. आपणही किफायतशीर ‘बीएस-६’ बाईक घेण्याचा विचार करत असाल, तर खालील काही पर्यायांचा आपण विचार करू शकता. या बाईक्‍सची किंमतही ७० हजार रुपयांच्या आत आणि मायलेजही सर्वाधिक आहे.

ताज्या बातम्यांसाठी डाऊनलोड करा ई-सकाळचे ऍप

पुण्याच्या बातम्या वाचण्यासाठी येथे ► क्लिक करा

हिरो स्प्लेंडर -
ग्राहकांची ही अनेकांची आतापर्यंतची आवडती बाईक ठरली आहे. एकदा खरेदी केल्यानंतर सर्व्हिसिंग आणि योग्य काळजी घेतली की, पुढील १० ते १२ वर्षे अगदी कसलाही त्रास न देता विविध ठिकाणी ती आपला प्रवास सुखकर करते. या बाईकला कंपनीने नुकतेच ‘बीएस-६’ इंजिनसह अपडेट करत बाजारात दाखल केले आहे. या बाईकची सुरुवातीची किंमत ५९ हजार ६०० रुपये आहे. हिरो स्प्लेंडर प्लस ‘बीएस-६’मध्ये कंपनीने १०० सीसी क्षमता असलेल्या इंजिनचा प्रयोग केला आहे. ते ७.९१ बीएचपीची ताकद आणि ८.०५ एनएमचा टॉर्क निर्माण करते.

हिरो एचएफ डिलक्‍स -
या बाईकलाही कंपनीने नवीन मानकांनुसार अपडेट केले आहे. तिची सुरुवातीची किंमत ५५ हजार ९२५ रुपये इतकी ठेवण्यात आली आहे. एचएफ डिलक्‍स कंपनीने १०० सीसी क्षमता असलेल्या इंजिनचा प्रयोग केला आहे. हे इंजिन ८ पीएसची ताकद आणि ८.०५ एनएमचा टॉर्क निर्माण करते.

होंडा शाईन - 
जपानची वाहन उत्पादक कंपनी असलेल्या होंडाने भारतीय बाजारात शाईनला बीएस-६ मानकांच्या इंजिनसह सादर केले आहे. कंपनीने या नवीन बाईकची सुरुवातीची किंमत ६७ हजार ८५७ रुपये इतकी ठेवली आहे. नवीन होंडा शाईन मागील मॉडेलच्या तुलनेत १४ टक्‍के अधिक मायलेज देईल, असा दावा कंपनीने केला आहे. यासह कंपनीने या बाईकमध्ये ५ स्पीड गिअर बॉक्‍स देण्यात आले आहेत. बीएस-४ इंजिन असलेल्या यापूर्वीच्या मॉडेलमध्ये ४ स्पीड गिअर बॉक्‍स देण्यात आले होते.

बजाज पल्सर - 
बजाज ऑटोची लोकप्रिय बाईक बजाज पल्सर अनेक तरुणांची आवडती आहे. या बाईकची सुरुवातीची किंमत ६४ हजार रुपये ठेवण्यात आली आहे. पल्सर १२५मध्ये कंपनीने १२४.३८ सीसीच्या क्षमतेचे सिंगल सिलिंडर असलेल्या टू व्हॉल्व्ह एअर कूल्ड इंजिनचा प्रयोग केलेला आहे. हे इंजिन १२ एचपीची ऊर्जा आणि ११ एनएमचा टॉर्क निर्माण करते.