पुणे, १७ जानेवारी २०२५: कर्वे समाजसेवा संस्थेमध्ये आज मराठी पंधरवड्यानिमित्त काव्यवाचन स्पर्धेचे आयोजन करण्यात आले. यंग इन्स्पिरेटर्स नेटवर्क (यिन) समितीमार्फत आयोजित केलेल्या या कार्यक्रमाला प्रमुख पाहुण्या म्हणून संस्थेतील कर्मचारी माधुरी माने उपस्थित होत्या.

यावेळी समितीच्या अध्यक्षा प्रीती इंगळे, उपाध्यक्ष विशाल राठोड, सचिव श्रेया परदेशी, संघटक मल्लिनाथ बिराजदार, तसेच महाविद्यालय विकास समितीचे विद्यार्थी सदस्य अक्षय खोल्लम यांनीही हजेरी लावली.

कार्यक्रमात कर्वे समाजसेवा समाजसेवा संस्थेतील विद्यार्थ्यांनी उत्साहाने सहभाग घेतला. विद्यार्थ्यांनी सादर केलेल्या काव्याचे कौतुक करत प्रा. चित्रलेखा राजुस्कर यांनी मराठी भाषेच्या महत्त्वावर आणि विद्यार्थ्यांच्या सादरीकरणांवर भाष्य केले.

कार्यक्रमाचा समारोप अत्यंत यशस्वीपणे पार पडला. विद्यार्थ्यांनी मराठी भाषेच्या संवर्धनाचा निर्धार व्यक्त केला. मराठी पंधरवाडाच्या निमित्ताने मराठी साहित्य, कला आणि सांस्कृतिक वारसा साजरा करण्याची प्रेरणा मिळाली.