नाशिक : सकाळ माध्यम समूहाने तरुणाईच्या हक्काचे व्यासपीठ यंग इन्स्पिरेटर्स नेटवर्क (YIN) चा ७ वा वर्धापनदिन टाकळी रोड परिसरातील स्व. अनुराधा वि. धर्माधिकारी वृद्धाश्रम येथे आजी-आजोबांसोबत उत्साहात साजरा करण्यात आला.

तरुणांना सामाजिक क्षेत्रात काम करण्यासाठी प्रेरणा मिळावी यासाठी दरवर्षी यिनच्या वर्धापनदिनाचे औचित्त्य साधून यिनचे महाविद्यालयीन प्रतिनिधी तसेच सामाजिक कार्यकर्ते यांच्या माध्यमातून सामाजिक उपक्रमांचे आयोजन करण्यात येते.

तरुणाईत नेतृत्व गुण घडावे याठी YIN ची स्थापना

तरुणाईत नेतृत्व गुण घडावे त्याचबरोरब शहरी व ग्रामीण भागातील विद्यार्थ्यांच्या विचारांची देवाणघेवाण व्हावी या उद्देशाने १९ ऑगस्ट २०१४ रोजी दै 'सकाळ' समूहाचे व्यवस्थापकीय संचालक अभिजित पवार यांच्या संकल्पनेतून यिन नेटवर्क ची स्थापना करण्यात आली. आज मुंबई पासून ते नागपूर आणि कोल्हापूर पासून जळगाव पर्यंत महाराष्ट्रातील ३६ जिल्ह्यामधील विविध महाविद्यालयांत यिनचे लिडर्स काम करत आहेत. अनेक तरुणांनी यिनच्या माध्यमातून औद्योगिक, सामाजिक, राजकीय व सामाजिक क्षेत्रात आपला ठसा उमटवला आहे.

प्रेरणा आणि ऊर्जा देणारं व्यासपीठ YIN

या संपूर्ण कार्यक्रमाचे नियोजन सामाजिक कार्यकर्त्या ज्योत्स्ना डगळे- वानखेडे, ॲड अर्जुन वानखेडे, हेमंत इसे यांनी सामाजिक भावनेतून केले. या निमित्ताने वृद्धाश्रमाला अन्न-धान्य, जीवनोपयोगी वस्तूंचे वाटप करण्यात आले.

''सकाळ समूहाच्या यिन व्यासपीठा तर्फे आयोजित वर्धापनदिन कार्यक्रमातील सामाजिक कार्यात सहभागी होता आले. यिन ने सुरू केलेल हे व्यासपीठ प्रेरणा आणि ऊर्जा देणारं आहे.'' ज्योत्स्ना डगळे - वानखडे , सामाजिक कार्यकर्त्या, समुपदेशक, नाशिक

वृद्धाश्रम संस्थेचे पदाधिकारी जॉन्सन निकाळजे, सॅमसन निकाळजे, इंदुमती निकाळजे, सकाळ यिनचे विभागीय अधिकारी गणेश जगदाळे या कार्यक्रमास उपस्थित होते.