पुणे, ता २० - सकाळ माध्यम समूह आयोजित यिन नेतृत्व विकास कार्यक्रम अंतर्गत यिन निवडणूक प्रक्रिया नऊ जानेवारी २०२३ पासून तीन टप्प्यांत होत आहे. या 'नेतृत्व विकास कार्यक्रमाच्या' पोस्टर चे अनावरण आज सकाळ माध्यम समूहाचे चीफ मार्केटिंग ऑफिसर नवल तोष्णीवाल, यिनचे महाराष्ट्र व्यवस्थापक श्यामसुंदर माडेवार यांच्या हस्ते व पुणे यिन अधिकारी शंतनू पोंक्षे, यिन महाराष्ट्र समन्वयक अनिकेत मोरे, यिनचे माजी महसूलमंत्री रोहित आगळे, माजी सामाजिक न्यायमंत्री वैष्णवी खताळ तसेच अनेक महाविद्यालयातील अध्यक्ष, उपाध्यक्ष उपस्थित होते. राज्यभरातील विविध महाविद्यालयातील विद्यार्थी अतिशय खेळीमेळीच्या वातावरणात यिन निवडणूक प्रक्रियेत सहभागी होत असतात. या संपूर्ण प्रक्रियेत महाविद्यालयाचे प्राचार्य तसेच विविध शाखेचे विभाग प्रमुख विद्यार्थ्यांना यिन निवडणूकीसाठी मार्गदर्शन करत असतात. राज्यातील सर्व महाविद्यालयात पोस्टर्स, बॅनर, सोशल मिडियाच्या माध्यमातून निवडणूकीची माहिती प्रत्येक विद्यार्थ्याला पोहोचविण्यासाठी सकाळ माध्यम समूहाचे यिन व्यासपीठ सज्ज झाले आहे.

राज्यातील विविध महाविद्यालयात विद्यार्थ्यांमधे नेतृत्वगुण विकसित करताना त्यांचा सर्वांगीण विकास साधण्याचे महत्वपूर्ण काम सकाळ माध्यम समूहाचे 'यंग इन्स्पिरेटर्स नेटवर्क' अर्थात 'यिन' या व्यासपीठाद्वारे केले जाते. यिनच्या माध्यमातून नेतृत्व विकास कार्यक्रम अर्थात निवडणूक अथवा मतदान प्रक्रियेत सहभागी होण्यासाठी यिन ॲपच्या माध्यमातून नोंदणी करता येणार आहे. ॲपच्या माध्यमातून निवडणूक अर्ज दाखल करणे, मतदार नोंदणी करणे, ॲपद्वारे नोंदणी झालेला क्रमांक दाखवणे गरजेचे आहे. तसेच महाविद्यालयाचे आयडी कार्ड सोबत आणणे हे दोन पुरावे दाखविणाऱ्या विद्यार्थ्यांना आपल्या पसंतीच्या उमेदवाराला मत देण्याचा अधिकार मिळेल. मतदान हे आपापल्या महाविद्यालयातच मतपत्रिकेद्वारे मतपेटीत गुप्तपणे टाकून करता येणार आहे.

"आपल्याला देखील स्वतःच्या महाविद्यालयातून या नेतृत्व विकास कार्यक्रमाच्या माध्यमातून उमेदवार म्हणून उभे राहायचे असल्यास आपण खाली दिलेल्या क्यू आर कोड ला स्कॅन करून आपला उमेदवारी अर्ज दाखल करू शकता."

अधिक माहितीसाठी संपर्क - 9881504492

शंतनू पोंक्षे, पुणे यिन अधिकारी

हे असतील यिन निवडणूक २०२३ कोअर कमिटी सदस्य - रोहित आगळे, वैष्णवी खताळ, आशुतोष साठे, स्वप्नील पालखे, सुमित पतंगे, रविना रेणुसे, शिवशंकर सुफलकर, दिपक शेगर, किरण भणगे, रचना पाटील, स्वप्नील चौधरी, तीर्थ पुराणिक, अजित लाड, सय्यद जिंदावली, करिष्मा राठोड, चैतन्य सांदनशीव, प्रतीक आरोटे, श्रेया वाघमारे, प्रवीण सोनटक्के, आकांक्षा जैन, आनंद केंद्रे, मानसी घंटे, केतन शिंदे, सोहा जाधव, शुभम गोसावी.