Forex Reserves : देशाच्या परकीय चलनात 2 वर्षांतील सर्वात मोठी घट

Forex Reserve : भारतातील परकीय चलनाचा साठा सातत्याने कमी होत आहे. त्यामुळे भारतीय रिझर्व्ह बँकेसाठी ही चिंतेची बाब ठरत आहे. आज रिझर्व्ह बँकेने (RBI) परकीय चलन साठ्याची आकडेवारी जाहीर केली आहे. रिझर्व्ह बँकेच्या (RBI) आकडेवारीनुसार देशाचा परकीय चलन साठा 2 वर्षांपेक्षा सर्वात खालच्या पातळीवर गेला आहे. देशाच्या रुपयाची घसरण हे देखील याचे मुख्य कारण आहे.

देशाचा परकीय चलनाचा साठा किती आहे ?

21 ऑक्टोबरला देशाचा परकीय चलन साठा $3.85 अब्ज डॉलरने कमी होऊन $524.52 अब्ज झाला होता. ही परकीय चलन साठ्यातील 2 वर्षांपेक्षा जास्त नीचांकी पातळी आहे. रुपयाची सततची घसरण रोखण्यासाठी प्रयत्न केले जात असले तरी ते पुरेशे नाहीत. परिणामी परकीय चलनाच्या साठ्यात घट होत आहे.

भारताच्या परकीय चलनाच्या गंगाजळीत मोठी घसरण होण्याचे कारण म्हणजे देशाचे चलन सतत खालच्या पातळीवर जात आहे. रुपयाची घसरण थांबवण्यासाठी आरबीआयला आपल्या तिजोरीतून अधिक डॉलर्स विकावे लागतील. त्यामुळे परकीय चलन साठा आणखी कमी होईल.

परकीय चलन संपत्ती आणि सोन्याच्या साठ्याची आकडेवारी :

परकीय चलन संपत्ती 21 ऑक्टोबर रोजी $ 3.59 अब्जने कमी होऊन $ 465.08 बिलियनवर आली आहे. याशिवाय सोन्याचा साठा 247 लाख डॉलरवरून 37.21 लाख डॉलरवर आला आहे.