Gold Price: दिवाळी काही दिवसावर असताना सोनं महागलं! जाणून घ्या नवे दर | Sakal
sakal

बोलून बातमी शोधा

gold update

Gold Price: दिवाळी काही दिवसावर असताना सोनं महागलं! जाणून घ्या नवे दर

मागील आठवड्यात सोने चांदीच्या दरात अस्थिरता दिसून आली होती. वीकेंडला तर सोने चांदीचे दरात घसरण दिसून आली. मात्र आज आठवड्याच्या पहिल्याच दिवशी सोन्याच्या दरात तेजी दिसून येत आहे तर चांदीचे दर मात्र स्थिर आहे. दिवाळी खरेदीसाठी हा महत्त्वाचा आठवडा आहे. त्यामुळे सोने खरेदीत वाढ होणे अपेक्षित होते.

आज 22 कॅरेटसाठी 10 ग्रॅम सोन्याचा दर 46,450 रुपये तर 24 कॅरेट साठी 50,670 रुपये आहे तर 10 ग्रॅम चांदीचा दर 553 रुपये आहे. (gold silver price update 17 october 2022)

हेही वाचा: Gold Price: वीकेंडला सोनं स्वस्त! खरेदीकरांसाठी सुवर्णसंधी, जाणून घ्या नवे दर

देशातील काही महत्वाच्या शहरातील 24 कॅरेट साठी 10 ग्रॅम सोन्याचा भाव जाणून घ्या.

  • चेन्नई - 51,160 रुपये

  • दिल्ली - 50,820 रुपये

  • हैदराबाद - 50,670 रुपये

  • कोलकत्ता - 50,670 रुपये

  • लखनऊ - 50,820 रुपये

  • मुंबई - 50,670 रुपये

  • नागपूर - 50,700 रुपये

  • पुणे - 50,700 रुपये

हेही वाचा: Sugar Stock: Ugar Sugarsने दिला एका वर्षात 160% परतावा, आणखी तेजी येणार

सोन्याची शुद्धता कशी जाणून घ्यावी ?

सोन्याची शुद्धता ओळखण्यासाठी आयएसओ (इंडियन स्टँडर्ड ऑर्गनायझेशन) द्वारे हॉल मार्क दिले जातात. 24 कॅरेटवर 999, 23 कॅरेटवर 958, 22 कॅरेटवर 916, 21 कॅरेटवर 875 आणि 18 कॅरेटवर 750 लिहीलेलं असतं. बहुतेक सोने 22 कॅरेटमध्ये विकले जाते, तर काही लोक 18 कॅरेट देखील वापरतात. सोने 24 कॅरेट पेक्षा जास्त विकलं जातं. कॅरेट जितके जास्त असेल तितके अधिक शुद्ध सोने म्हटले जाते.

हेही वाचा: Stock : बँकिंग स्टॉक येत्या काळात देईल 56% नफा, आता गुंतवणूकीची चांगली संधी...

22 आणि 24 कॅरेटमध्ये काय फरक आहे?

24 कॅरेट सोने 99.9% शुद्ध आहे आणि 22 कॅरेट अंदाजे 91% शुद्ध असतं. 22 कॅरेट सोन्यात तांबे, चांदी, जस्त यांसारख्या 9% इतर धातूंचे मिश्रण करून दागिने तयार केले जातात. 24 कॅरेट सोने शुद्ध असले तरी त्याचे दागिने बनवता येत नाहीत. त्यामुळे बहुतेक दुकानदार 22 कॅरेटमध्ये सोने विकतात.

हॉलमार्क (Hallmark)-

सोने खरेदी करताना लोकांनी त्याची गुणवत्ता लक्षात घेतली पाहिजे. हॉलमार्क चिन्ह पाहिल्यानंतरच खरेदी करावी. सोन्याची सरकारी हमी असते, ब्युरो ऑफ इंडियन स्टँडर्ड्स (BIS) हॉलमार्क ठरवते. हॉलमार्किंग योजना ब्यूरो ऑफ इंडियन स्टँडर्ड्स अॅक्ट, नियम आणि नियमन अंतर्गत कार्य करते