Gold Silver Price: श्रावणात सोनं महागलं! जाणून घ्या तुमच्या शहरातील नवे दर | Sakal
sakal

बोलून बातमी शोधा

Todays Gold, Silver price Updates

Gold Silver Price: श्रावणात सोनं महागलं! जाणून घ्या तुमच्या शहरातील नवे दर

आठवड्याच्या सुरुवातीला सोन्याच्या दरात स्थिरता दिसून आली होती. त्यानंतर सातत्याने सोने चांदीच्या दरात घसरण दिसून आली मात्र आज सोन्याच्या दरात तेजी दिसून येत आहे. सणांच्या महिन्यात सोने चांदी खरेदी करण्याकडे कल जास्त असणार आहे त्यामुळे आता सोने चांदीचे दर महागले. (gold silver price update on 6 august 2022)

आज 22 कॅरेट साठी 10 ग्रॅम सोन्याची किंमत 47,650 रुपये तर 24 कॅरेट साठी 51,980 रुपये आहे तर10 ग्रॅम चांदीचा दर 582 रुपये आहे.

हेही वाचा: Gold: सोन्याचे दागिने खरेदी करताना 'या' सहा गोष्टी निट लक्षात ठेवा, अन्यथा होईल मोठं नुकसान

देशातील काही महत्वाच्या शहरातील 24 कॅरेट साठी 10 ग्रॅम सोन्याचा भाव जाणून घ्या.

चेन्नई - 53,070 रुपये

दिल्ली - 52,140 रुपये

हैदराबाद - 51,980 रुपये

कोलकत्ता - 51,980 रुपये

लखनऊ - 52,140 रुपये

मुंबई -51,980 रुपये

नागपूर - 52,010 रुपये

पूणे - 52,010 रुपये

हेही वाचा: Gold-Silver Rate : सोन्याच्या दरात घसरण तर चांदी महाग, जाणून घ्या आजचे दर

देशात येणार 'वन गोल्ड वन रेट' योजना

देशात 'वन गोल्ड वन रेट' योजना लागू करण्याची मागणीला जोर धरलाय कारण हेच सोने दिल्लीत दुसऱ्या दराने विकले जाते, नंतर पटण्यात दुसऱ्या दराने. तामिळनाडूपासून जम्मू-काश्मीरपर्यंत तुम्हाला सोन्याच्या किमतीत मोठी तफावत दिसेल.

सोने तेच आहे आणि सोन्याची शुद्धताही तीच आहे. कारण बंदरातून सोने आयात करुन उतरवले जाते, तेथून वेगवेगळ्या राज्यांत पाठवले जाते. शिपिंग खर्च इत्यादी जोडल्यानंतर सोन्याची किंमत बदलते. मात्र, आयातीच्या वेळी सोन्याची किंमत समान असते. त्यामुळे येत्या काळात देशात 'वन गोल्ड वन रेट' येण्याच्या हालचाली सुरू आहे.

हेही वाचा: Gold price : आज देशभरात सोन्याचे दर स्थिर

सोन्याची शुद्धता कशी जाणून घ्यावी

सोन्याची शुद्धता ओळखण्यासाठी आयएसओ (इंडियन स्टँडर्ड ऑर्गनायझेशन) द्वारे हॉल मार्क दिले जातात. 24 कॅरेटवर 999, 23 कॅरेटवर 958, 22 कॅरेटवर 916, 21 कॅरेटवर 875 आणि 18 कॅरेटवर 750 लिहीलेलं असतं. बहुतेक सोने 22 कॅरेटमध्ये विकले जाते, तर काही लोक 18 कॅरेट देखील वापरतात. सोने 24 कॅरेट पेक्षा जास्त विकलं जातं. कॅरेट जितके जास्त असेल तितके अधिक शुद्ध सोने म्हटले जाते.

हेही वाचा: Gold-Silver Price: वीकेंडला सोनं महागलं! जाणून घ्या तुमच्या शहरातील दर

22 आणि 24 कॅरेटमध्ये काय फरक आहे?

24 कॅरेट सोने 99.9% शुद्ध आहे आणि 22 कॅरेट अंदाजे 91% शुद्ध असतं. 22 कॅरेट सोन्यात तांबे, चांदी, जस्त यांसारख्या 9% इतर धातूंचे मिश्रण करून दागिने तयार केले जातात. 24 कॅरेट सोने शुद्ध असले तरी त्याचे दागिने बनवता येत नाहीत. त्यामुळे बहुतेक दुकानदार 22 कॅरेटमध्ये सोने विकतात.

हॉलमार्क (Hallmark)-

सोने खरेदी करताना लोकांनी त्याची गुणवत्ता लक्षात घेतली पाहिजे. हॉलमार्क चिन्ह पाहिल्यानंतरच खरेदी करावी. सोन्याची सरकारी हमी असते, ब्युरो ऑफ इंडियन स्टँडर्ड्स (BIS) हॉलमार्क ठरवते. हॉलमार्किंग योजना ब्यूरो ऑफ इंडियन स्टँडर्ड्स अॅक्ट, नियम आणि नियमन अंतर्गत कार्य करते

Web Title: Gold Silver Price Update 6 August 2022

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..