
Income Tax Return: इन्कम टॅक्स भरण्याइतका पगार नाहीये! तरीही भरा कर
Income Tax Return: जर तुम्ही आतापर्यंत ITR भरला नसेल तर लवकर भरा. आर्थिक वर्ष २०२१- २२ चा आयकर रिटर्न भरण्याची शेवटची तारीख जवळ आली आहे. जर तुम्ही आतापर्यंत कर भरला नसेल तर लगेच भरा. कारण ३१ मार्चपर्यंत कर भरला नाही तर तुम्हाला दंडासोबत तुरुंगवासही होऊ शकतो.
हेही वाचा: सन २०२५-२६ पर्यंत 'या' क्षेत्रात असतील १ कोटींहून अधिक रोजगाराच्या संधी
जर व्यक्ती ६० वर्षाची असेल आणि वर्षाला २.५ लाख रूपये कमवत असेल तर त्याला करामधून सूट मिळते. ज्या व्यक्तीचे एकूण उत्पन्न कर सवलतीच्या मर्यादेपेक्षा जास्त असेल, त्याला आयकर विवरणपत्र भरावे लागते. ६० वर्षांवरील आणि ८० वर्षांपेक्षा कमी वयाच्या ज्येष्ठ नागरिकांसाठी कर सवलत मर्यादा ३ लाख रुपये आहे, तर ८० वर्षांपेक्षा जास्त वय असलेल्यांसाठी ही मर्यादा ५ लाख रुपये आहे. तुमचा पगार आयकर मर्यादेपेक्षा कमी असला तरीही, तुम्ही आयकर रिटर्न भरले पाहिजे. कारण असे करण्याचे अनेक फायदे आहेत.
हेही वाचा: ITR Refund: करदात्यांनो! अद्याप Refund मिळाला नाही का? मग नक्की वाचा

Income Tax Return Filing
असे आहेत फायदे
१)कर्जासाठी पात्र आहात का ते ठरते- कुठलेही कर्ज घेताना बॅंक आधी तुमची पात्रता तपासते. ही पात्रता उत्पन्नावर आधारित असते. बॅंक तुम्हाला किती कर्ज देईल ते तुमच्या आयकर रिटर्नमध्ये भरलेल्या उत्पन्नावर अवलंबून असते. कारण त्यात तुम्ही तुमची खरी माहिती देत असता. महत्वाचे म्हणजे, , ITR हा एक दस्तऐवज आहे जो सर्व बँका कर्जाच्या सुलभ प्रक्रियेसाठी वापरतात. जर तुम्हाला घर, कार किंवा वैयक्तिक कर्ज घ्यायचे असेल, तर आयटीआर भरणे आवश्यक आहे कारण यामुळे कर्ज मिळणे सोपे होते.
हेही वाचा: १ एप्रिलपासून महागणार 'या' गोष्टी

Income tax
२) कर परताव्यासाठी आवश्यक - जर तुम्ही ITR फाईल केला तर मुद ठेवींसारख्या बचत योजनांवर मिळणाऱ्या व्याजावरील कर वाचवता येईल. लाभांश उत्पन्नावरचा करही वाचवता येतो. ITR रीफंडद्वारेही तुम्ही कराचा दावा करू शकता. जर तुमचे एकूण उत्पन्न 2.5 लाखांपेक्षा जास्त असेल, तर तुम्ही कापलेल्या टीडीएसवर पुन्हा दावा करू शकता.
३) पत्ता, उत्पन्नाचा पूरावा वैध कागदपत्र- आयकर मूल्यांकन आदेश वैध पत्त्याचा पुरावा म्हणून वापरला जाऊ शकतो. याचा वापर आधार कार्ड बनवण्यासाठीही होतो. कंपनीकडून कर्मचाऱ्यांना फॉर्म-16 दिला जातो. तो त्याच्या उत्पन्नाचा पुरावा असतो. स्वयंरोजगार किंवा फ्री-लांसरसाठी आयटीआर फाइलिंग वैध उत्पन्नाचा पुरावा म्हणून काम करते.
हेही वाचा: बायकोच्या नावाने उघडा Special Account! महिन्याला मिळतील ४५ हजार
Web Title: Itr Filing Deadline 31 March You Should File Income Tax Return Even If Income Is Below Limit
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..