esakal | आज कोणत्या शेअर्सवर ठेवाल नजर?
sakal

बोलून बातमी शोधा

शेअर बाजारात नफा बुकींगमुळे घसरण

निफ्टीच्या 50 पैकी 43 शेअर्सची विक्री झाली. त्याचवेळी सेन्सेक्सचे 30 पैकी 28 शेअर्स घसरले. निफ्टी बँकेच्या 12 पैकी 10 शेअर्स घसरले.

Share Market: आज कोणत्या शेअर्सवर ठेवाल नजर?

sakal_logo
By
सकाऴ वृत्तसेवा

- शिल्पा गुजर

शेअर बाजाराने बुधवारी नफ्यासह सुरुवात खरी पण दिवस संपता संपता चित्र बदलले. बुधवारी नफा-बुकिंगचे बाजारात वर्चस्व राहिले आणि सेन्सेक्स-निफ्टी लाल मार्काने अर्थात घसरणीसह बंद झाले. सेन्सेक्स 555 अंकांनी घसरून 59,190 अंकांवर तर निफ्टी 176 अंकांनी घसरून 17,646 वर बंद झाला. बीएसईचे सर्व क्षेत्र निर्देशांक विक्री झाले. मेटल, आयटी आणि फार्मा शेअर्समध्ये सर्वाधिक घसरण झाली. याशिवाय, ऑटो, रिअल्टी, ग्राहकोपयोगी वस्तू आणि ग्राहक टिकाऊ स्टॉकमध्येही विक्री दिसून आली. बुधवारी निफ्टीच्या 50 पैकी 43 शेअर्सची विक्री झाली. त्याचवेळी, सेन्सेक्सचे 30 पैकी 28 शेअर्स घसरणीवर बंद झाले. निफ्टीच्या 50 पैकी 43 शेअर्सची विक्री झाली. त्याचवेळी सेन्सेक्सचे 30 पैकी 28 शेअर्स घसरले. निफ्टी बँकेच्या 12 पैकी 10 शेअर्स घसरले.

हेही वाचा: शॉर्ट टर्मसाठीचे कमाल स्टॉक्स, टारगेट आणि स्टॉप लॉस किती ठेवावा?

तांत्रिक दृष्टिकोन (Technical View)

निफ्टीने डेली स्केलवर bearish engulfing candle अर्थात मंदी दर्शवणारा ग्राफ तयार केला आहे. आता निफ्टीला 17,777 आणि 17,900 च्या दिशेने जायचे असेल तर ते 17,700 च्या वर राहावे लागेल असे मोतीलाल ओसवाल फायनान्सचे चंदन तापडिया म्हणाले. तर खाली 17,780 आणि 17,450 च्या झोनमध्ये सपोर्ट दिसत असल्याचेही ते म्हणाले.

निफ्टी बुधवारी सुरुवातीपासून दबावाखाली होता असे एलकेपी सिक्युरिटीजचे रोहित सिंगरे यांनी सांगितले. सलग दोन बुलिश कँडल अर्थात तेजीच्या ग्राफनंतर मंदीचा ग्राफ तयार केलाय. निफ्टीने आपला मोठा सपोर्ट झोनही मोडला आहे आणि आता त्याचा पुढचा सपोर्ट 17,600-17,500 च्या जवळ दिसत असल्याचे रोहित सिंगरे म्हणाले.

हेही वाचा: हमखास करायचीय कमाई ? किमान 40 टक्के नफा देणारे 'हे' स्टॉक्स...

बुधवारच्या दिवसाचा व्यवहार संपल्यावर सेन्सेक्स 555.15 अर्थात 0.93 टक्क्यांनी घसरून 59,189.73 वर बंद झाला. दुसरीकडे, निफ्टी 193.50 अर्थात 1.09 टक्क्यांनी खाली17,628.80 वर बंद झाला.

आज कोणत्या शेअर्सवर नजर ठेवाल?

- व्होडाफोन आयडिया (Vodafone Idea)

- टाटा पॉवर (Tata Power)

- ओएनजीसी (ONGC)

- पीएनबी (PNB)

- स्टील अथॉरिटी ऑफ इंडिया लिमिटेड (SAIL)

- भारत हेवी इलेक्ट्रीकल लिमिटेड (BHEL)

- कोल इंडिया (Coal India)

- बँक ऑफ बडोदा (Bank Of Baroda)

- गेल इंडिया लिमिटेड (GAIL)

- इंडियाबुल्स हाउसिंग फायनान्स (Indiabulls hsg)

हेही वाचा: झेन टेक्नॉलॉजीच्या शेअर्समध्ये 1 महिन्यात 159 टक्क्यांची वाढ...

नोंद : क्रिप्टो मार्केट,शेअर मार्केट किंवा म्युच्युअल फंडातील गुंतवणुकीत जोखीम असते. यामध्ये फायद्याप्रमाणे नुकसान होण्याचीही शक्यता असते. त्यामुळे क्रिप्टो,शेअर बाजार किंवा म्युच्युअल फंडातील कोणतीही गुंतवणूक करण्याआधी आपल्या वित्तीय सल्लागारासोबत चर्चा करूनच गुंतवणूक करा.

loading image
go to top