वॉरन बफेने छोट्या कंपनीसाठी मोजली तिप्पट किंमत, कंपनीने दिला तगडा फायदा

जगातील सर्वात प्रसिद्ध गुंतवणूकदार, बर्कशायर हॅथवेच्या सीईओ वॉरेन बफे (Warren Buffett) यांनी जवळपास 50 वर्षांपूर्वी विकत घेतलेली सीज कँडीज (See’s Candies) ही एक छोटी कंपनी त्यांची सगळ्यात आवडती गुंतवणूक असल्याचे ते सांगतात. The Hustle ने एका रिपोर्टमधून ही माहिती दिली. सीज कँडीज (See’s Candies) त्यांनी 1972 मध्ये 25 कोटी डॉलर्सना विकत घेतली होती.

कँडी कंपनीचा रेव्हेन्यू 45 कोटी डॉलर-

बर्कशायर हॅथवेच्या मोठ्या गुंतवणुकीच्या पोर्टफोलिओमध्ये कँडी कंपनीचा 45 कोटी डॉलर महसूल अतिशय माफक वाटू शकतो (कंपनीकडे सध्या 969 अब्ज मालमत्ता आहे), पण See's Candies ने नेहमीच क्वांटीटीपेक्षा क्वालिटीकडे लक्ष केंद्रित केले आहे आणि हाच मंत्र बफेटने स्वीकारला आहे.

सीज कॅंडीज लॉस एंजेलिसमध्ये मेरी सी आणि तिचा मुलगा चार्ल्स यांनी सुरू केले होते, पण हा ब्रँड लहान आकाराच्या चॉकलेटचे उत्पादन करतो आणि चांगल्या दर्जाचे घटक वापरतो.

50 वर्षांत 3 कोटी डॉलर सेल्स-

1972 मध्ये, कंपनीची विक्री 3 कोटी डॉलरला झाली होती आणि See's चे मालक खरेदीदार शोधत होते. त्यावेळी वॉरन बफे यांची गुंतवणूकदार म्हणून प्रतिमा खूप मजबूत बनली होती आणि ते बर्कशायर हॅथवेचे अध्यक्ष आणि मुख्य कार्यकारी अधिकारी बनले. त्याच्या वाढत्या गुंतवणुकीसाठी त्याने ती कंपनी होल्डिंगमध्ये बदलली होती.

तिप्पट किंमत का दिली ?

द हसल रिपोर्टनुसार, बफेची सुरुवातीची गुंतवणूक धोरण 'व्हॅल्यू इन्व्हेस्टिंग'शी संबंधित होती. वॉल स्ट्रीटने दुर्लक्ष केलेल्या कंपन्या ते शोधायचे. जेव्हा त्याने See's वर संशोधन केले तेव्हा त्याला आढळले की कागदावरची आकडेवारी (See's ची मालमत्ता 80 लाख डॉलर होती, करानंतरची कमाई 20 लाख डॉलर होती) फारशी आकर्षक नव्हती, पण त्याचा विश्वासार्ह ग्राहक आधार आणि मजबूत ब्रँड ओळख होती.

त्यामुळे, बफेने सी'ज कॅंडीज 2.5 कोटी डॉलरमध्ये विकत घेतले. आश्‍चर्याची गोष्ट म्हणजे, त्यावेळच्या कंपनीच्या किमतीच्या तिप्पट ही किंमत होती. या कंपनीच्या माध्यमातून त्यांना बरेच काही शिकायला मिळाल्याचे बफे यांनी सांगितले. द हसलच्या अहवालानुसार, ही बफेची त्यावेळची सर्वात मोठी गुंतवणूक होती आणि बर्कशायर हॅथवेच्या काही थेट सौद्यांपैकी एक होती.

बफेने ही कंपनी विकत घेतल्यानंतर, त्यांनी प्रथम तिच्या नवीन सीईओला नफा मिळवण्यासाठी गुणवत्तेशी कधीही तडजोड करू नये असे सांगितले. त्याऐवजी सीजने स्थानिक पातळीवर चॉकलेट्स विकण्यासाठी लहान बॅच बनवाव्यात, असे ते म्हणाले. कदाचित त्यांचा हाच सल्ला कामी आला असे म्हणावे लागेल.

नोंद : क्रिप्टो मार्केट, शेअर मार्केट किंवा म्युच्युअल फंडातील गुंतवणुकीत जोखीम असते. यामध्ये फायद्याप्रमाणे नुकसान होण्याचीही शक्यता असते. त्यामुळे क्रिप्टो, शेअर बाजार किंवा म्युच्युअल फंडातील कोणतीही गुंतवणूक करण्याआधी आपल्या वित्तीय सल्लागारासोबत चर्चा करूनच गुंतवणूक करा.