Share Market : 'या'स्टॉकचा तीन वर्षात 800 टक्के बंपर परतावा!

कॉस्मो फिल्म्स लिमिटेडच्या (Cosmo Films Ltd) शेअर्समध्ये मजबूत वाढ झाली आहे. महाराष्ट्रातील (Maharashtra) औरंगाबादमधल्या (Aurangabad) सीपीपी उत्पादन युनिटची क्षमता वाढवण्यासाठी कंपनी 140 कोटी रुपयांची गुंतवणूक (Investment) करणार असल्याचे समजत आहे. या युनिटची कंपनीची उत्पादन क्षमता वार्षिक 25,000 मेट्रिक टन पर्यंत वाढवायची आहे.

जगभरातील पॅकेजिंग फिल्मच्या पुनर्वापरावर आणि टिकाऊपणावर भर दिला जात असल्याचे कॉस्मो फिल्म्सचे सीईओ पंकज पोदार यांनी एक्स्चेंजला ही माहिती दिली. टिकाऊपणासाठी सीपीपी आणि बीओपीपीची मोनो रिअल स्ट्रक्चरला पसंती आहे.

कंपनीची सध्याची CPP क्षमता 100 टक्के ताकदीने काम करत आहे. अशा परिस्थितीत वाढत्या गरजा पूर्ण करण्यासाठी कंपनी आपल्या सध्याच्या युनिटची उत्पादन क्षमता वाढवण्यावर भर देत आहे. याशिवाय कंपनी इतर अनेक विकास योजनांवरही काम करत आहे. ज्यात बीओपीईटी लाइन, बीओपीपी लाईन संबंधित योजनांचा समावेश आहे. हे लक्षात घेऊन सुमारे 140 कोटी रुपयांची ही विस्तार योजना करण्यात आली आहे. पुढील 2 वर्षांत कंपनी मोठ्या उत्पादन क्षमतेसह काम सुरू करेल अशी अपेक्षा आहे.

गेल्या 3 वर्षात या शेअरने आपल्या गुंतवणूकदारांना 800 टक्क्यांहून अधिक परतावा दिला आहे, तर गेल्या 1 वर्षात सुमारे 184 टक्के परतावा दिला आहे. त्याच वेळी, 2022 मध्ये आतापर्यंत या स्टॉकने 26 टक्के परतावा दिला आहे.

नोंद : क्रिप्टो मार्केट, शेअर मार्केट किंवा म्युच्युअल फंडातील गुंतवणुकीत जोखीम असते. यामध्ये फायद्याप्रमाणे नुकसान होण्याचीही शक्यता असते. त्यामुळे क्रिप्टो, शेअर बाजार किंवा म्युच्युअल फंडातील कोणतीही गुंतवणूक करण्याआधी आपल्या वित्तीय सल्लागारासोबत चर्चा करूनच गुंतवणूक करा.