देशभर कोरोनाने पुन्हा एकदा डोके वर केले आहे. महाराष्ट्रासहीत पुण्यात कोरोना रूग्णांची संख्या झपाट्याने वाढतेय. अशात सर्व क्षेत्रावर कोरोनाचा परिणाम दिसून येत आहे. प्रामुख्याने हवाई क्षेत्राला याचा मोठा फटका बसला आहे. याच पार्श्वभूमीवर पुणे विमानतळावरुन रोज जवळपास २०-२५ उड्डाणे रद्द केली जात आहे.
कोरोनाच्या वाढत्या प्रभावामुळे प्रवासी संख्या कमी होत आहे. त्यामुळे विमानसेवा देणाऱ्या कंपन्या विमाने रद्द करीत आहे. विशेष म्हणजे रद्द करणाऱ्या उड्डाणांमध्ये जयपूर आणि दिल्लीच्या विमानांचा अधिक समावेश असल्याचे समोर आले आहे. पुणे विमानतळावरुन जवळपास २०-२५ उड्डाणे रद्द केली जात असल्याने याचा परिणाम अप्रत्यक्षरीत्या अन्य बाबींवर होत आहे.
पुणे विमानतळावरून काही दिवसांपुर्वी ७०-८० विमानांची वाहतूक होत होती, त्यावेळी जवळपास १८ हजार प्रवासी संख्या होती. आता मात्र २०-२५ उड्डाणे रद्द केल्याने प्रवासी संख्या जवळपास ११ हजार वर आली आहे. कोरोना रूग्णसंख्या वाढत असल्याने प्रवासी विमानप्रवास टाळत आहे आणि याचा मोठा फटका तिकिट बुकींगवर झालाय. काही विमानांची तिकिट बुकींगची संख्या पाचच्या घरात असल्याने विमानसेवा देणाऱ्या कंपन्याना नाईलाजाने विमाने रद्द करावी लागत आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
