देवाला न विसरता संसार करा | Sakal
sakal

बोलून बातमी शोधा

God Live without forgetting Mahamandaleshwar Janardan Hari Ji Maharaj

देवाला न विसरता संसार करा

फैजपूर : माणसाने सांसारिक जीवन जगताना देवाला न विसरता आपले प्रत्येक कर्म केले तर आपल्याला सुख, शांती, समाधान लाभते, असे प्रतिपादन महामंडलेश्‍वर जनार्दन हरीजी महाराज यांनी चिनावल येथील मासिक प्रवचन ‘अमृतवाणी’ चे निरूपण करताना केले.

हेही वाचा: २०२३ मध्ये जीडीपी ८ ते ८.५ टक्के राहील - अर्थमंत्री सितारामन

चिनावल येथील नियोजित सतपंथ मंदिरामध्ये आयोजित मासिक प्रवचन कार्यक्रमात पुढे बोलताना सांगितले, की माणसाने विचाराने मनाने श्रीमंत असणे आवश्यक असून वैचारिक श्रीमंतीसह स्वतः साठी वेळ देणे महत्वाचे आहे. गुरुकृपा ही हृदयात भाव जागृत करण्यासाठी असते. सुदामा दरिद्री नव्हते तर ते श्रीमंत होते. कारण त्यांच्या हृदयात परमात्मा होता आणि ते प्रत्येकाच्या हृदयात परमात्म्याचा वास आहे, याची जाणीव करून देत होते.

दररोज आपल्याला जो भेटेल त्याच्याशी चांगले बोला चांगले वागा. आपल्या भावात देव असेल तर तो आपल्याला दगड, माती, लाकूड मध्येही दिसेल व त्याची अनुभूती होईल, असे सांगून क्षणिक ‘मोह’ माणसाला घातक ठरतो. माता सीतेला सुवर्ण मृगाचा मोह झाला आणि पुढे काय घडले आपल्याला माहितीच आहे. महाराजांनी अनेक विविध दाखले दिले.

हेही वाचा: स्मशानात अंत्यसंस्काराची तयारी, दवंडी अन् स्वच्छताही, बेबाबाईंचा संघर्षमयी प्रवास

...तर मंदिराची गरज काय

देव सर्वदूर असताना मंदिराची गरज काय, असा अनेकांचा प्रश्न असतो. त्यावर महाराजांनी सांगितले की, जर आपल्या गाडीचे टायर पंचर झाले तर... हवा सगळीकडे असताना आपल्याला दुकानावर जाण्याची गरज काय, यात आपल्याला उत्तर मिळते. तेथे पंचर जोडण्याचे साहित्य, सर्व टेक्निक म्हणजेच ते पावर स्टेशन आहे. त्याच पद्धतीने मंदिर असते. कोरोना नियमांचे पालन करून सतपंथ मंदिरात काही मोजक्या भाविकांच्या उपस्थित झालेल्या या कार्यक्रमाचा लाभ फेसबूक लाईव्हच्या माध्यमातून जगभरातील असंख्य श्रद्धावानांनी घेतला.

Web Title: God Live Without Forgetting Mahamandaleshwar Janardan Hari Ji Maharaj

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
go to top