Nirjala Ekadashi 2023 : निर्जला एकादशीला घरी आणा ही मूर्ती, नशिबाची दारं उघडतील

Nirjala Ekadashi Upay : हिंदू धर्मशास्त्रात प्रत्येक तिथीचं आपलं असं एक वेगळं महत्व सांगितलं आहे. यावेळी निर्जला एकादशी ३१ मे रोजी आली आहे. या दिवशी भगवान विष्णूंची पूजा करण्याचं विशेष महत्व आहे. यादिवशी गायत्री जयंतीपण साजरी करण्यात येते.

या दिवसाला विशेष महत्व आहे कारण, यादिवशी विधी पूर्वक पूजा, व्रत केल्याने जीवनातले सर्व संकट दूर होतात, असे मानले जाते. असे काही उपाय सांगण्यात आले आहेत जे केल्याने घरात सुख-समृद्धी आणि आनंद येतो.

निर्जला एकादशीला घरी आणा ही मूर्ती

ज्योतिषशास्त्रानुसार घरात कामधेनु गायीच्या मूर्तीची स्थापना करावी. हे फार शुभ मानलं जातं. असे मानले जाते की, ही मूर्ती घरात स्थापन केल्यावर घरात सुख, समृद्धी आणि आनंद येतो. ही मूर्ती आणून विधीपूर्वक त्याची देवघरात स्थापना करा. त्यानंतर याची नियमित उपासना करावी.

वास्तूशास्त्रानुसार ईशान्य कोपऱ्यात उत्तर दिशेला तोंड करून कामधेनु गायीची प्रतिमा लावल्याने शुभ फळ मिळते. असं म्हणतात की या कोपऱ्यात देवी-देवतांचा वास असतो. यामुळे घरात धन-धान्याचे आगमन होते.

• याशिवाय ही मूर्ती घराच्या मुख्य दरवाजावर स्थापन करावी. यामुळे सकारात्मक ऊर्जा घरात वास करते.

• शिवाय जर तुम्ही आर्थिक त्रासातून जात असाल तर ज्योतिषशास्त्रानुसार मूर्ती ऐवजी फोटो लावला तरी चालतो.

• असं म्हणतात कामधेनु गायीमध्ये जगत जननी देवी दुर्गा, धनाची देवी लक्ष्मी आणि विद्येची देवी सरस्वती या तिघींचा वास असतो.

डिस्क्लेमर : सदर लेख फक्त सामान्य माहितीसाठी आहे. सकाळ माध्यम समूह अशा कोणत्याही गोष्टींना पाठिंबा देत नाही. अधिक तपशीलांसाठी तुम्ही तज्ज्ञांचे मार्गदर्शन घेऊ शकता.