Accident In River Ganga : बोटीत सिलिंडरचा स्फोट होऊन ४ जणांचा मृत्यू | Sakal
sakal

बोलून बातमी शोधा

River Ganges Accident News

Accident In River Ganga : बोटीत सिलिंडरचा स्फोट होऊन ४ जणांचा मृत्यू

Cylinder Explosion In Bihar पाटणा : बिहारमधील पाटणा जिल्ह्यातील मणेर येथे शनिवारी (ता. ६) एक भीषण अपघात झाला. सोन नदीत बोटीवर अन्न शिजवत असताना गॅस सिलिंडरचा स्फोट (Cylinder Explosion) होऊन चार जणांचा मृत्यू (Died) झाला. तसेच अनेक जण जखमी झाले आहेत. बोटीवरील सर्व लोक मजूर होते. पोलिस घटनास्थळी पोहोचले आहेत. पोलिसांनी जळालेले मृतदेह ताब्यात घेतले आहेत. प्रकरणाचा तपास सुरू आहे.

मिळालेल्या माहितीनुसार, हा अपघात भोजपूर आणि पाटणा जिल्ह्यांच्या सीमेवर झाला आहे. बिंदगाव गावासमोरील रामपूर वाळू घाटाजवळ सोन नदीत काही लोक नावेत अन्न शिजवत होते. त्यानंतर गॅस सिलिंडरचा स्फोट (Cylinder Explosion) झाला. एका झटक्यात बोटीवरील सर्व जण गंभीररीत्या भाजले आणि त्यांचा जागीच मृत्यू (Died) झाला.

हेही वाचा: Airbag Policy : एअर बॅगची किंमत किती? कार मालकांना नितीन गडकरींचे उत्तर

बोटीवरील सर्व लोक पाटणा जिल्ह्यातील हल्दी छपरा गावातील असल्याचे सांगण्यात येत आहे. ते कोइलवार-बिहटा परिसरातून वाळू मजुरी करून बोटीवर अन्न शिजवत होते. पोलिस या प्रकरणाच्या तपासात गुंतले आहे. बोटीत सुमारे २० लोक होते. घटनेची माहिती मिळताच पोलिस-प्रशासनाचे पथक घटनास्थळी पोहोचले असून बचावकार्य सुरू केले आहे.

बोटीतून (Boat) अवैध वाळू एका ठिकाणाहून दुसऱ्या ठिकाणी नेली जात असल्याचे सांगण्यात येत आहे. वाळू वाहतूक करणाऱ्या लोकांसाठी बोटीवरच दुपारचे जेवण तयार केले जात असताना गॅस गळतीमुळे सिलिंडरचा स्फोट झाला आणि नदीच्या मध्यभागी चार जणांचा होरपळून मृत्यू झाला. घटनास्थळी पोहोचलेल्या मणेर पोलिस ठाण्याच्या अध्यक्षांनी चार जणांच्या मृत्यूला दुजोरा दिला आहे.

हेही वाचा: मुख्यमंत्र्यांनी दिल्ली दौरा, मंत्रिमंडळ विस्ताराचे कारण केले स्पष्ट; म्हणाले...

या घटनेत अनेक बोटस्वार जखमी झाल्याचे वृत्त आहे. बचाव पथकाने जखमींना जवळच्या रुग्णालयात दाखल केल्याचे सांगण्यात येत आहे. सध्या जखमींचा अधिकृत आकडा समोर आलेला नाही. यापूर्वी २४ जुलै रोजी छपरा जिल्ह्यातील खोदाईबाग गावात फटाक्यांच्या कारखान्यात स्फोट झाला होता. या घटनेत ६ जणांचा जागीच मृत्यू झाला होता, हे विशेष...

Web Title: Accident River Ganges Four People Died Cylinder Explosion Boat

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..