Amit Shah : नितीश कुमार यांच्यासाठी भाजपचे दरवाजे बंद, PM पदासाठी...; अमित शहांचं मोठं विधान

Amit Shah and Nitish Kumar
Amit Shah and Nitish Kumar

नवी दिल्ली - केंद्रीय गृहमंत्री अमित शहा आज बिहार दौऱ्यावर आहेत. पश्चिम चंपारणमधील बेतिया येथे आयोजित सभेत अमित शहा म्हणाले की, बिहारमध्ये कायदा आणि सुव्यवस्था बिघडली आहे. नितीश कुमार यांनी बिहारची फाळणी केली आहे. बनावट दारूमुळे लोकांचा मृत्यू होत आहे. पण दर तीन वर्षांनी नितीश कुमार पंतप्रधान होण्याचे स्वप्न पाहतात.

Amit Shah and Nitish Kumar
Amit Shah : स्वातंत्र्य लढ्यात काँग्रेसचं मोठं योगदान होतं..; असं का म्हणाले अमित शाह?

अमित शहा पुढं म्हणाले की, नितीशबाबू आयाराम-गयाराम मध्ये व्यस्त आहेत. ते जंगलराजच्या लोकांसोबत बसले आहेत. नितीश कुमार यांच्यासाठी आता भाजपची दारे बंद झाली आहेत. अमित शहा यांनी नितीश कुमार यांच्यावर निशाणा साधत गुन्हेगारी पुन्हा शिगेला पोहोचत असल्याचे म्हटले आहे.

खून, अपहरण, दरोड्याच्या घटना दररोज समोर येत आहेत. भाषिक पत्रकारांच्या हत्येला सुरुवात झाली आहे. पीएफआयसारख्या संघटना बिहारमध्ये शिरकाव करत होत्या, पण नितीशबाबू गप्प होते. मोदींनी पीएफआयवर बंदी घालून संपूर्ण देशाला सुरक्षित करण्याचे काम केल्याचं शहा यांनी नमूद केलं.

Amit Shah and Nitish Kumar
Aaditya Thackeray : निवडणुका जिंकण्यासाठी यंत्रणांचा गैरवापर ; आदित्य ठाकरेंचा आरोप

अमित शहा एवढ्यावरच थांबले नाहीत, ते म्हणाले की, नितीशबाबू विकासवादी ते पंतप्रधान होण्यासाठी संधीसाधू झाले. काँग्रेस आणि राजदच्या आश्रयाला गेले. नितीशबाबूंच्या पंतप्रधानपदाच्या महत्त्वाकांक्षेने बिहारचे विभाजन झाले आहे. आज सुरू असलेल्या जंगलराजपासून मुक्तहोण्याचा एकमेव मार्ग म्हणजे २०२४ मध्ये भाजपचे सरकार स्थापन करून मोदींना पंतप्रधान बनविणे.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com